|
þriðjudagur, september 11, 2007
Stúlka Guðbjartsdóttir fæddist 18.ágúst 2007
.jpg) .jpg)
Fleiri myndir af dóttur okkar má sjá á barnalandi þar sem síðan heitir Stúlka Guðbjartsdóttir, sendið okkur póst til að fá lykilorðið!!
Lífið er ljúft........
posted by Bjarturinn at 10:07 e.h.
|
~|=|~
föstudagur, mars 02, 2007
....það var ást við fyrstu sýn.............
..........tíminn stóð í stað.......
posted by Sibba at 3:09 e.h.
|
~|=|~
mánudagur, desember 18, 2006
Konan sem fann upp sjálflímandi frímerki á heiður skilinn - mæli með henni!!
posted by Sibba at 11:00 e.h.
|
~|=|~
sunnudagur, nóvember 19, 2006
..það er sunnudagsmorgun.......
.........og allt á kafi í snjó - elska elska og elska.
Vil hafa hvítan snjó lengi lengi og ekkert brúnt leiðinlegt slabb. Við skruppum aðeins í Heiðmörkina í morgun, ég á gönguskíðin og Bjartur og úlfurinn töltandi með - bara æðislegt!!
Búin að moka fyrir okkur og nágrannana - dúleg.
Góðverk 1: Drógum upp einn jeppling sem var búinn að vera fastur í hálftíma í Heiðmörkinni.
Góðverk 2: Hjálpaði til við að ýta Golf á low profile (hreint ekki hentugt í snjóinn), bað stelpuna vinsamlega um að leggja bílnum í staðin fyrir að reyna að komast upp brekkuna hér fyrir utan. Ekki skrítið að það séu allir fastir í snjónum þegar fólk með bílana svona skóaða!
Þess má geta að meðfylgjandi myndir eru ekki teknar í morgun heldur um síðustu helgi þegar kom smá hvítt sýnishorn.
posted by Sibba at 12:42 e.h.
|
~|=|~
miðvikudagur, október 25, 2006
...ýsuflök á ensku!!
Hef ekki lent í því áður að þurfa að tala ensku í Hagkaup til að einhvur skilji mig, sök sér að einhver afgreiði á kassa sem ekki talar íslensku en ég er ekki alveg að höndla það að kaupa nætursaltaða ýsu í fisk/kjötborði og afgreiðslustelpan skilur ekki stakt orð í íslensku!! Minnti mig á þegar við Bjartur vorum á Subway í London og hann gat ekki munað hvernig átti að segja græn paprika á ensku og reddaði sér með "grín paprikka" (Sé enn í anda strákinn sem afgreiddi okkur hvað hann vorkenndi Bjart að eiga svona ömurlega kærustu sem emjaði af hlátri - endaði með því að við fengum subwayinn frían en það er ögn lengri saga og tengist lítið papriku vandræðum).
Annars sé ég fyrir mér að pelsklæddu heldri húsmæðurnar hér í Garðabænum verði ekki par hrifnar af því að þurfa að kaupa í soðið á ensku - skiljanlega svo sem.
posted by Sibba at 5:15 e.h.
|
~|=|~
þriðjudagur, október 24, 2006
 ...mánuður síðan síðast...
skemmtilegt að hafa svona flottar dagssetningar tvisvar í röð! Skellti einni skemmtilegri mynd af Bjart og Papey með póstinum, þau voru að fara með einhvur gamanmál sem ég fékk ekki að heyra af.
Helstu fréttir eru þær að við höfum ekki enn farið og heimsótt nýju nágranna okkar í IKEA við IKEA-braut. Bjartur suðar og suðar í mér að koma með sér svo ég læt nú sennilegast undan hvað úr hverju.
Annars dreymdi mig ansi skemmtilegan draum í nótt þar sem aðalhetjan var sjálfur Tom Cruise, man að við Bjartur vorum að spjalla við kappann þegar ég spyr drenginn af hverju hann komi ekki í heimsókn til Íslands? Og með það vaknaði ég og ákvað að þetta hlyti að verða ansi góður dagur fyrst hann byrjaði svona ágætlega - enda var þetta hinn ágætasti dagur fyrir utan mislukkaðan kjúkling í kvöldmat sem var eitthvað dularfullur og skrítinn (aldrei að treysta bleika svíninu).
Bjartur situr yfir lærdómnum alla daga og öll kvöld, reiknar ansi skemmtileg dæmi sem ég skil ekki baun í og er stolt af. Þegar ég var í skóla snérist stærðfræði um tölur en nú snýst hún um bókstafi - get fundið nánst allt stafrófið í einu dæmi.
Tveir mánuðir til jóla -
posted by Sibba at 8:40 e.h.
|
~|=|~
sunnudagur, september 24, 2006
...hjartsláttartruflanir...
Fallega fartölvan mín er við það að hverfa í gröfina sína þessa dagana. Eitt kvöldið sátum við tvær saman í ró og næði og skoðuðum netið þegar allt í einum heyrðist púff og upp kom gluggi sem sagði að eitthvað væri að minninu í henni. Eldri tölvur eiga því greinilega ýmislegt sameiginlegt með eldra fólki (",) Í ljós kom sambandsleysið við harða diskinn svo það styttist í andlátið. Upp hófust miklar björgunaraðgerðir til að bjarga SÞ kerfinu (allt sjúklingabókhaldið!!), ca 2000 myndum ásamt öðru minna mikilvægu og öllu var bjargað mér til ómældrar ánægju. Við erum að tala um að ég gat ekki sofið nóttina eftir þetta skyndilega minnistap af ótta við að þurfa að eyða næstu vikunum í að endurnýja allt í SÞ kerfinu!!
Svo það er einungis til hátíðarbrigða sem kveikt er á silfurlitaða fáknum og stundirnar rifjaðar upp. Alveg ótrúlegt hvað maður er háður tölvum og netinu, finnst það nánast hálf sorglegt. Þannig að síðustu vikuna hefur farið lítið fyrir nethangsi, spjalli á msn og enn minna fyrir að skoða tölvupóst.
Helgin hefur annars verið góð, Edda tengdó er í bænum og í tilefni þess að hún átti afmæli á föstudag borðuðum við góðan mat og höfðum það huggulegt. Við fórum svo snemma í háttinn því laugardeginum eyddum við í Land Rover ferð í boði B&L. Veðrið var alveg yndisleg, ferðafélagarnir enn yndislegri og dagurinn því í alla staði frábær.
Segi þessum pistli hér með lokið, vona að fákurinn hafi það af að pósta honum á netið.
posted by Sibba at 2:23 e.h.
|
~|=|~
laugardagur, september 16, 2006
....bókalestur....
Ég kláraði fyrir nokkrum dögum eina af betri bókunum sem ég hef lesið en það er Þriðja táknið eftir Yrsu Sigurðardóttur. Rakst á viðtal við hana á mbl áðan þar sem hún talar um bókina og segir aðeins frá innihaldi hennar. Ég bíð spennt eftir næstu bók sem verður vonandi jafn spennandi og skemmtileg aflestrar og þessi.
Annars gengur helgarpössunin vel. Klettur er hinn mesti ljúflingur og þau perluvinir. Ég er ótrúlega undrandi að Papey skuli hleypa honum í dótið sitt því hún er lítið fyrir að deila sínu þessi elska.
posted by Sibba at 2:38 e.h.
|
~|=|~
föstudagur, september 15, 2006
Jæja gott fólk. Um helgina verður ekkert smá stuð í Kjarrmóanum því við verðum með Klett sem er bróðir hennar Papeyjar í pössun og þá er sko stuð, þannig að ef við verðum útnöguð og slefuð þá er þetta ástæðan.
Hjá mér er stærðfræðipróf á mán. og það verðun nú gaman því ég elska stærðfræði eða hitt þó
en þetta er víst nauðsynlegt.
Bæjó í bili
Bjarturinn
posted by Bjarturinn at 3:21 e.h.
|
~|=|~
fimmtudagur, september 14, 2006
Hefur þú hugsað um það hvað allt í kringum þig er flókið?
T.d. eru í raun 3 gerðir af súrefni þ.e.
O-súrefnisatóm- er mjög eitrað og ætandi vegna rafeindaskipunnar.
O2 -súrefnissameind - súrefni- lífsnauðsinlegt
O3 - Óson- blokkar UV geisla í heiðhvolfi.
Þetta er magnað, ekki satt???
Kv Bjarturinn
posted by Bjarturinn at 12:45 e.h.
|
~|=|~
|
.jpg)
.jpg)
.0.jpg)
