|
sunnudagur, ágúst 31, 2003
Jæja skólinn byrjaður og allt komið á fullt þar, alveg endalaust mikið að lesa og óþolandi mikil tímasókn. Ég þoli ekki að vera í skólanum frá 8-5 einhverja daga í viku, hvenær á ég eiginlega að lesa? Svo þarf maður náttúrlega líka að sofa, borða og hreyfa sig!!! Já og kannski eiga eitthvað líf en annars er ég eiginlega búin að fresta því þar til í lok október þegar prófin eru búin =) Bjartur er hættur í Toppnum og kominn í smá frí, byrjar svo í BogL á fimmtudaginn næsta, vonandi að það verði gaman og hann verði ánægður. Svo er hann líka farinn að leigja húsnæði til að gera við inní Hafnarfirði, strax komin með tvö verkefni og þeir fengu húsið í gær, allt að gerast. Ég ætla að gera mér ferð þangað fljótlega með vindsæng, svefnpoka og bangsa svo hann þurfi nú örugglega ekkert að koma heim =)
Hrefna og Tommi eru núna komin um borð í skemmtiferðaskip og er að fara að sigla um Karabíska hafið, smu smu smu mig langar líka =( Væri sko alveg til í að fara eitthvað svona núna, er ekki alveg að fíla það að skólinn sé byrjaður og maður geti ekki átt neitt líf. Ætla að reyna að vera dugleg að draga Laufeyju og Jónu með mér á Hlöðuna svo maður fái nú smá félagsskap yfir bókunum.
Annars var bekkurinn með Kolaportsdag í gær og svo partý um kvöldið, það gekk alveg vonum framar að selja svo það hefur örugglega verið mikið stuð í partýinu um kvöldið, ég komst ekki neitt sökum túrverkja frá Helvíti sem ætla að eyða helginni með mér öllum til ómældrar gleði.
posted by Sibba at 10:58 f.h.
|
~|=|~
föstudagur, ágúst 22, 2003
Mikið er nú indælt að vera í sumarfríi þegar veðrið er svona gott úti, er eiginlega ekki alveg að fíla það að skólinn sé að byrja á mánudaginn vegna þess að þá fyrst kemur nú gott veður. Vonandi rignir eldi og öllu saman þar til 27 október því þá eru prófin mín búin. Ætla að fara að kíkja aðeins í líffærarfræðibók og svo eru það bara svalirnar í dag.
posted by Sibba at 11:34 f.h.
|
~|=|~
mánudagur, ágúst 11, 2003
Helgin var alveg stórfín, við fórum norður á módelflughátíðina sem var haldin á Melgerðismelum. Veðrið var nú ekki gott til þess að fljúga af því það var svo hvasst svo Bjartur greyið gat ekkert flogið alla helgina. Það voru bara útlensku kallarnir sem gátu flogið og svo þeir sem vorum með rosastórar vélar. Mér fannst langskemmtilegast að sjá þegar Kalli var að fljúga þotunni það kemur nefnilega svo flott hljóð og hún fer svo svakalega hratt =) Ég skemmti mér nú samt bara vel, á laugardeginum var vaknað snemma eftir ekki svo góða nótt þar sem ég fékk enn eina ferðina vindsænginga sem lekur, andsk... vesen en ég bætti það upp með því að fara á undan að sofa á laugardagskvöldið og þá að sjálfsögðu á góðu dýnunni. Ég brunaði inn á Akureyri upp úr 10 um morguninn og skellti mér í laugina, það var eiginlegar frekar skrýtið að synda í þessari laug því hún er svo stutt að mér fannst ég ekki gera neitt annað en snúa við!! En svo bara smellti maður sér í sólbað í brakandi blíðu. Hitti svo gamla settið og fór með því á fiskidaginn á Dalvík og svo út í Hrísey. Það var bara voða gaman, gaman að fara út í Hrísey og sjá allt þar. Allar göturnar hellulagðar og eiginlega engir bílar, held að ég hafi talið átta stykki og þar af fimm sem stóðu á bryggjunni og örugglega ekki verði hreyfðir lengi. En það var sko fullt af traktorum, alveg frábært!! Allir með heimatilbúnum kössum aftaná fyrir dót og svo smá pallur fyrir farþega að standa á, gerist ekki betra!!
Á heimleiðinni fórum við í heimsókn til Halldóru í sveitinni hennar við Borgarnes. Það var alveg rosalega gaman að sjá loksins sveitina hennar, ég alveg dauðöfunda hana af því að búa í sveit og geta haft alla hestana sína og hundana hjá sér. Svo keyrir hún í smá stund til að komast í vinnuna í sjúkraþjálfuninni, úff algert draumalíf, svona vil ég hafa það =) Ég var svo spennt að sjá loksins mömmu hennar, þessa ofurkonu sem hún talar svo oft um, held að ég hafi átt von á að sjá supermann í gallanum því mér fannst hún náttúrlega bara óskup venjuleg og vinaleg kona =D
Annars er ég bara nett sólbrennd eftir gönguna í Hrísey því veðrið var svo gott, glampandi sól en frekar mikill vindur þannig að maður tók ekki eftir því hvað sólinn skein en það verður bara fljótt að lagast.
Svo eru bara 4 dagar þar til við Ágústa hættum að vinna, alveg ótrúlegt hvað tíminn líður fljótt, finnst það hafa verið í gær sem við vorum að tala um að við ættum eftir að vinna í 5 vikur og fannst það svo stutt. Erum búnar að plana átveislu í vinnunni á föstudaginn svo maður grennist ekki þann daginn. Vorum einmitt að tala um í dag að það verður alveg ágætt að hætta að vinna því þá hættir maður líka að éta konfekt alla daga, akuru getur gamla liðið ekki bara boðið manni gulrót eða eitthvað í staðinn fyrir Nóa konfekt!! Svo verður spennandi að sjá hvort kallinn fær frí líka, framhaldssagan um Sigurjón og Co heldur áfram, þessi sívinsæla, sem betur fer eru bara ca 15 dagar eftir af sögunni.
Allt gott að frétta af blómunum, held ég amk því þau fóru í pössun hjá m og p meðan var verið að flota svalirnar. Annars er svo hvasst hjá gömlu að þau eru örugglega bara fokin, fer og kíki á þau á morgun og flyt þau á svalirnar.
Úff 14 dagar í að skólinn byrji, stundaskráin fyrir fyrstu vikuna er komin og maður hefði eiginlega átt bara að sitja á klóinu meðan maður skoðaði hana því hún er magaverkavaldandi (ekki að það hafi orðið slys sko) þvílík geðveiki á leiðinni og ég er komin með líffærafræðina upp á borð til að rifa upp. Allt að gerast.
posted by Sibba at 10:14 e.h.
|
~|=|~
|
