|
þriðjudagur, júní 29, 2004
Langt síðan eitthvað hefur gerst hér á þessari síðu! Ég og tölvan erum bara búin að liggja í veikindum og eyddum meðal annars bestu dögunum sem hafa komið þetta sumarið fyrir framan sjónvarpið með sæng að horfa á EM. Annars skelltum við okkur í afmæli á Breiðdalsvík á 17. júní og vorum þar yfir helgina, fengum alveg hreint stórkostlegt veður og nutum okkar þar alveg í botn. Held barasta að ég hafi aldrei verið á Breiðdalsvíkinni í svona góðu veðri, segir samt meira um veðurfarið þarna á þessum slóðum heldur en tímann sem ég hef eytt þarna (",) Ég fór meðal annars í stórskemmtilega gönguferð, hélt nú að ég væri að fara í ógöngur og endalaust labb því ég átti að taka nesti og vera vel græjuð í þessa för. Gangan var þó ekki mikið lengri en klukkutími því að honum liðnum var kastað af sér bakpokunum og dregnir voru fram hamrar og meitlar auk skrúfjárna og spaða, svo bara setti maður sig í stellingar til að fara að grafa eftir gulli og í það fóru næstu 5 klukkutímarnir! Já fuglarnir á Breiðdalsvík eru miklir furðufuglar og finna sér ýmislegt til dundurs. Stelpan kom svo heim með hið fegursta gull sem brætt verður í stórkostlega skartgripi (",)
Annars er lífið hálf tómlegt í dag og í gær þar sem frí er á EM, en allt verður gott aftur á morgun þegar undanúrslitin eru. Bjartur er orðinn gallharður fótboltafan og horfir á hvern leikinn af öðrum með konunni. Svo fórum við á 2 fótboltaleiki síðustu helgi til að horfa á bróðurson hans spila og þar kallaði kappinn hinar ýmsustu athugasemdir inn á völlinn eins og hörðum aðdáenda sæmir, hann er að læra hvernig rangstaða virkar og er allur að komast inní reglurnar. Líður ekki á löngu þar til hann verður kominn í takkaskó út í garð að æfa sig að halda bolta á lofti sem mun jú vera undirstaða þess að vera góður knattspyrnumaður!!
posted by Sibba at 5:02 e.h.
|
~|=|~
sunnudagur, júní 13, 2004
Jæja þá er stelpan búin að endurheimta elskulegan karlinn sinn heim eftir langa útlegð. Hann er nú ansi þreyttur eftir erfiða helgi og liggur bara og sefur í sófanum sem er bara gott því þá truflar hann mig ekki yfir EM á meðan. Hörkuleikur milli Englands og Frakklands akkúrat núna. Annars greip mig hreingerningaæði rétt áðan og ég er í miðjum klíðum að þrífa eldhúsinnréttinguna, tek vorhreingerninguna með seinni skipunum þetta árið. Það er helst að frétta úr Ræktinni að ég hef verið með eindæmum löt þessa helgina en hef staðið mig þeim mun betur í að rölta í búðum með múttu gömlu, ég verð bara duglegri í næstu viku. Annars ætlar karlinn að fara að taka sig á og mæta með mér, ætla að búa til hörkuprógram fyrir hann á morgun. Annars held ég að hann trúi á mátt og megin fæðubótarefnanna sem kerlan var að fjárfesta til að gera sig svoldið flotta og spengilega, en maður þarf víst að hafa heilmikið fyrir þessu sjálfur líka!! Þess má svo geta að við Ágústa skóla- og vinnufélagi með meiru höfum tekið að okkur að vera sjúkraþjálfarar fyrir kvennalið FH í fótbolta, við tókum það líka að okkur að vera lukkudýr en það tókst ekki betur en svo að þær töpuðu 8-0 í fyrsta leiknum sem við mættum á en það mun allt vera á uppleið! Við munum að sjálfsögðu láta til okkar taka á varamannabekknum og stjórna öllu saman með harðri hendi eins og sönnu kvenfólki sæmir (",) Nema stelpan pússi upp takkaskóna sína og skelli sér í senterinn og raði inn mörkunum.........púfffffff vaknaði skyndilega upp af þessum annars yndislega draumi!!!
EM kallar, Frank Lampard nýbúinn að koma Englendingum yfir. Ég er ekki enn búin að ákveða með hverjum ég held en hallast að Frökkunum frekar en þeim Ensku.
posted by Sibba at 7:15 e.h.
|
~|=|~
föstudagur, júní 11, 2004
Ég hef oft spáð í því undanfarin ár afhverju ég eigi ekki töfflur til að vera í þegar ég fer í sund, það er jú ýmislegt óskemmtilegt sem grasserar á gólfunum á sundstöðunum. Í dag, seinnipartinn, tók ég þá ákvörðun að á morgun fer ég út og kem ekki heim aftur án svona tafflna. Ég fór einu sinni sem oftar að æfa í dag og í sundlaugina. Þegar ég var rétta að klára sturtuna koma tvær litlar stelpur úr lauginni með mömmu sinni. Þær fara í sturtu og ég fer að þurrka mér og þá heyri ég í annari stelpunni segja við mömmu sína að hún þurfi að pissa og ætli að fara á klósettið. Þá heyrist í mömmunni að hún þurfi ekkert að fara á klósettið því það sé allt í lagi að pissa núna þegar hún er í sturtunni! Ég var ekki alveg að trúa mínum stóru eyrum og lít í áttina að sturtunum og jú jú stelpan er að pissa á gólfið. Ég setti upp ljótan svip og sendi móðurinni en ég held að hann hafi ekki haft mikil áhrif á hana. Ég stórefast um að þetta sé í fyrsta eða síðasta sinn sem er pissað á gólfið í þessum sturtum, ekki frekar en að ég efast ekki um að það hafi oft og mörgum sinnum verið pissað í laugarnar ásamt öllum heitu pottunum en þetta var nú too much fyrir mig.
Annars er stelpan bara nokkuð þreytt eftir annasama vinnuviku og óheyrilegan dugnað við æfingar. Ákvað því að hafa nammidag í dag, fór á Subway (sem að vísu er ekkert nema hollustan út í gegn) og fékk mér kafbát með kjúklingabringum sem btw eru komnar aftur og svo verður leti kvöld í kvöld með nammi, sjónvarpi, bók og leti.
posted by Sibba at 7:53 e.h.
|
~|=|~
föstudagur, júní 04, 2004
Barnlausir dagar
Já nú eru heldur betur barnlausir dagar hjá stelpunni. Bjarturinn er farinn norður í land að hitta útlenska Land Rover spekulanta sem eru að kynna sér menninguna í fjarlægum löndum. Stefnan er að aka um alíslenska sveitavegi eins og þeir gerast bestir og stoppa hjá afdalabóndum sem eiga Land Rovera frá dögum Krists. Þessir útlendingar ætla svo að skrifa grein um ferðina sem birstist í einhverju bílablaði, væntanlega taka þeir myndir líka svo hvur veit nema þetta sé fyrsta skrefið í átt að heimsfrægð hjá piltinum. Stelpan er algerlega ómissandi í vinnunni svo ekki var henni boðið með í þessa ferð. Annars er bara stórfínt í vinnunni, allt að komast í gang svo ég á eftir að hafa nóg að gera í sumar. Verst bara með veðrið, það er alltaf svo rosagott til kl 4, þá birtast skýin sem eru búin að vera í felum allan daginn. Það ætti að snúa þessu við, rigna til 4 og svo sól þar eftir. Sumarblómin eru að týnast út á svalirnar, hlakka til að eyða smá tíma þar í sólinni sem virðist alltaf vera á svölunum mínum. Vantar samt alveg góðan stól til að lúra í með bók að lesa, eldhússtóllinn er orðinn ansi þreyttur, kannski ég leggi leið mína í búðir um helgina og finni mér einn góðann að leggja mig í!
posted by Sibba at 9:39 e.h.
|
~|=|~
|
