|
sunnudagur, maí 30, 2004
Fínt að fá svona nokkurra daga frí, ætti að vera þriggja daga helgi alveg aðra hverja helgi bara! Við vorum bara róleg í gær og kíktum bara á rúntinn, í Bónus og fleiri búðir og fórum svo í göngu við Helgafell í Hafnarfirði. Fórum líka í bíó í gærkvöldi á The Day After Tomorrow, ekkert smá skemmtileg mynd, alveg bara með þeim betri sem ég hef séð. Það er hægt að læra alveg helling af þessari mynd og sjá fyrir sér hvernig heimurinn verður í framtíðinni. Í dag kíktum við í Hveragerði, ætluðum að fara í sund en svo var bara engin sól í Hveragerði og alveg stappað í lauginni að við nenntum ekki, algjörir letingjar. Fórum í staðinn í bakarí og blómabúð og rúntuðum um bæinn. Kíktum svo í Heiðmörkina á leiðinni heim og lögðumst í sólbað, það var bara eins og á Laugaveginum þar það var svo mikið af fólki að keyra um. Alveg ferlega notarlegt að eiga svo einn frídag eftir! Ég er samt farin að sjá pínu eftir því að hafa ekki farið eitthvað út úr bænum, ég átti bara ekki von á að það yrði svona svakalega gott veður. En það er nú líka gott að vera heima hjá sér af og til!
posted by Sibba at 10:25 e.h.
|
~|=|~
þriðjudagur, maí 25, 2004
Verknám alveg að verða búið...
..hvern hefði nú grunað það að á morgun væri síðasti dagurinn minn á Reykjalundi. Tíminn er búinn að vera svo ótrúlega fljótur að líða, enda alltaf fljótur að líða þegar er gaman. Við ætlum að halda kökuveislu á morgun í tilefni dagsins svo það verður óhollustudagur á morgun =) Annars höfum við setið sveittar fram á kvöld síðustu daga við að klára skýrslurnar sem við erum búin að trassa síðustu 9 vikurnar, erum ekki alveg þær samviskusömustu í þessari pappírsvinnu. Ég býst við að klára allt mitt á morgun en ef ekki þá hef ég fimmtudaginn til að redda mér, ætla nú samt að vera í fríi þá svo að þetta reddast allt á morgun.
posted by Sibba at 10:09 e.h.
|
~|=|~
föstudagur, maí 21, 2004
Ein vikan búin enn
Alveg ótrúlegt hvað tíminn er farinn að fljúga áfram, bara þrír dagar eftir á Reykjalundi og svo tekur Hrafnistan við. Ég væri sko alveg til í að vera mikið mikið lengur á Reykjalundi, kann voða vel við allt þarna.
Helgin verður alveg örugglega voða róleg, ætla að vera dugleg í skýrslugerð og etv að reyna að haska mér í ræktina svona til tilbreytingar. Þarf að fara að taka mig á í að vera góð fyrirmynd í hreyfingarmálum og reyna að hreyfa mig oftar en 10x á ári, þetta er ekki alveg að ganga lengur og mig langar til að komast í gott form. Kannski maður reyni nú að nýta sumarið í eitthvað gáfulegra en að liggja í leti á milli þess sem maður er að sinna gamla liðinu. Svo er maður náttúrlega að komast á þann aldur að þetta gerist ekki af sjálfu sér mikið lengur (",)
Annars verður Bjarturinn í bílaviðgerðum alla helgina, alveg vitlaust að gera hjá honum þessa dagana, virðist vera að allir bílar bili í einu barasta! Þannig að maður sér hann víst ekki mikið næstu dagana greyið. Annars verðum við bæði í fríi á fimmtudaginn næsta, sem mun vera fyrsti virki frídagurinn okkar saman síðan einhverntíman fyrir mange år siden, gaman að því!
posted by Sibba at 5:30 e.h.
|
~|=|~
þriðjudagur, maí 18, 2004
Sumarfrí (",).....
....næstum en kannski ekki alveg!! Klinkin gekk bara vel og allir voru barasta nokkuð sáttir held ég, amk ég og sjúklingurinn minn og þá er þetta bara í fínu lagi. Annars er ég að fara að útskrifa sjúklinga í fyrsta skiptið á föstudaginn og það tvo meiraðsegja! Fólkið er alltaf í 5-6 vikur svo það er yfirleitt að útskrifast á svipuðum tíma og við. Svo tekur bara sumarvinnan við, ætla að byrja á Hrafnistu á föstudaginn í næstu viku, það er fínt að fá einn dag frí, vinna einn dag og svo þrjá daga frí =) En mikið svakalega þarf maður að fara að trappa sig niður fyrir gamla fólkið, það verður ekki mikið um 3 hringi í tækjasalnum, almennilega leikfimi og heillangan tíma í þolþjálfun! Kannski þetta verði bara frekar erfitt sumar þegar maður er kominn svona vel í hressa gírinn! Kemur allt í ljós
posted by Sibba at 10:48 e.h.
|
~|=|~
mánudagur, maí 17, 2004
Já nú er sko farið að styttast ískyggilega í klinikina góðu. Bara nokkrar klukkustundir þar til stelpan verður rökkuð niður í svaðið (",) Nú veitir ekki af góðum straumum. Annars er ég fyrst á sviðið á morgun og byrja á slaginu 8:15, sjúklingurinn mætir á svæðið 30 mín síðar og samtals mun þetta taka um 1 klst og 15 mín. Allt ein alsherjar spenna og skemmtun.
posted by Sibba at 10:29 e.h.
|
~|=|~
sunnudagur, maí 16, 2004
Júró sökkar!
Já mér fannst júróvision bara sökka feitt þetta árið, vinningslagið leiðinlegt og svo fannst mér ekkert heyrast í honum Jónsa kallinum. Hann stóð sig nú samt með stakri prýði en ég get svo svarið að ég hélt að hann væri að fljúga á hausinn þegar hann tók nett spor um sviðið!
Annars er ég við það að vera búin að sofa þessa helgi af mér, svaf til 5 í gær og er að hundskast á lappir núna 3:30, svona fara elskulegu túrverkirnir með mann, ekki annað hægt en að sofa þetta helv.. af sér. Þannig að nú er sko aldeilis kominn tími til að keyra upp stressið fyrir klinikina á þriðjudaginn, best að fara að henda sér í skýrsluna til að hressa uppá sig (",)
posted by Sibba at 3:27 e.h.
|
~|=|~
föstudagur, maí 14, 2004
Loksins helgin (",)
Úff ég er svo fegin að það sé loksins komin helgi, er bara búin að vera alveg búin á því alla vikuna og einhver agaleg þreyta í hrjá mig! Á þriðjudaginn í næstu viku er klinik, klinik er það þegar maður velur einn af sjúklingunum sínum og gerir extra góða skýrslu um hann. Svo kemur kennari frá skólanum og hlustar á mann lesa upp skýrsluna ásamt hinum nemunum og slatta af öðrum sjúkraþjálfurunum. Svo þegar maður er búin að lesa þá fær maður komment á það - innihald skýrslunar sko ekki lesturinn! Svo sýnir maður hluta af skoðun og meðferð á sjúklingnum sínum og svo þegar það er búið og hann farinn þá fær maður enn fleiri komment á það sem maður gerði. Það er bara svo aldeilis ekki fyrir mig að tala og gera eitthvað svona fyrir framan fullt af fólki, sérstaklega ekki þegar maður fær komment á allt sem maður segir og gerir. Þannig að nú er stelpan orðin ansi stressuð bara, sjúklingurinn minn sem b.t.w. er bara alls enginn sjúklingur er alveg frábær og hann á eftir að standa sig vel í þessu öllu, þannig að áhyggjurnar eru allar mínmegin, gaman aðessu, kannski ég skipti bara yfir í bókasafnsfræði =)
posted by Sibba at 9:26 e.h.
|
~|=|~
mánudagur, maí 10, 2004
Jæja þá er ég búin að laga þetta drasl og íslenska það líka, alveg óþolandi hvað þetta bloggerdót er oft eitthvað í ólagi!!
posted by Sibba at 9:00 e.h.
|
~|=|~
sunnudagur, maí 09, 2004
Íþróttabölið!!
Já íþróttir eru ekkert nema böl! Við gerðum okkur glaðan dag nemarnir á Reykjalundi og skelltum okkur í fótbolta í hádeginu á föstudaginn ásamt heilsuþjálfurunum og nokkrum sprækum strákum. Þetta var nú alveg hörkustuð og vel tekið á því (enda leið mér eins og ég hefði lent undir valtara í gær!!) og mitt lið vann fyrri leikinn og jafntefli í þeim seinni. Ég held nú að heilsuþjálfararnir hafi ætlað að hafa þetta léttan dag því þeir settu okkur stelpurnar saman í eitt liðið - áttu greinilega ekki von á þrem fyrrverandi stórstjörnum úr íþróttaheiminum (spjótkasti, samkvæmisdönsum og wanabee fótboltahetju). En gamanið tók nú að kárna undir lokin því hún Halldóra sleit hásin - ekki gott. Við Halldóra afboðuðum sjúklingana okkar og brunuðum uppá slysó, biðum þar í klukkutíma og hittum svo yndælis bæklunarskurðlækni sem sagði okkur að ákveða hvort hann ætti að sauma hásinina saman og gipsa eða bara gipsa. Við rifjuðum upp bæklunarlækningar í snarheitum og settum niður kosti og galla hvors valmöguleika fyrir sig og ákváðum að lokum að skella stelpunni í aðgerð. Eftir að það var ákveðið tók við ansi löng bið á A-4 bæklunarskurðdeildinni. Ég var komin á heimavöll því ég eyddi jú einum mánuði þarna í að koma fólki á lappir eftir aðgerðir. Eftir bið í tæpa 12 tíma komst hún loksins inn í aðgerð, þá var hún búin að vera ansi skemmtileg og lieglad í klukkutíma eftir að hafa fengið nokkrar góðar pillur. En allt gekk þetta voða vel og hún var ansi sátt við allt morfínið sem hún fékk, bara eins og skemmtilegt föstudagskvöld á að vera! Ég sótti hana svo á laugardagsmorguninn og keyrði heim svo ég er barasta búin að vera í hjúkkubúningnum í dágóðan tíma. Hún þarf svo að vera í föstu gipsi í 4 vikur og í göngugipsi í aðrar 4 og til að toppa gleðina þarf hún svo að ganga útskeif í 3 mánuði eftir að vera laus við gipsið!!! Ekki skemmtilegt en við verðum bara að gera gott úr þessu!!
Það munaði svo engu að ég myndi fylgja í fótspor hennar í gær og heimsækja bæklunardeildina, við skelltum okkur nefnilega á línuskauta. Fengum lánaða eðalskauta hjá Laufeyju og Gulla sem fara "örlítið" hraðar en okkar skautar og án gríns þá er ég bara hættuleg þegar ég er að fara niður brekkur! Stend mig bara vel á jafnsléttu og upp brekkur en hitt er bara ekki að gera sig, datt nú bara einu sinni en Bjartur aldrei en hann átti hins vegar dansspor ársins hehe.
Dagurinn í dag fer svo bara í að taka til og að láta þvottavélina snúast, þarf svo líka að eyða smá tíma í að undirbúa bakleikfimina sem ég er að fara að kenna á morgun - eins gott að það reddist bara!
posted by Sibba at 1:23 e.h.
|
~|=|~
mánudagur, maí 03, 2004
Ég gerði mér ferð í Europris í dag á meðan ég var að bíða eftir að Bjarturinn kláraði vinnudaginn. Þessi ferð væri svo sem ekki í frásögu færandi nema að þessi búð er bara vibbi, Bónus er snyrtilegasti staður í heimi miðað við Prísið!! Ég var búin að skella nokkrum jógúrthyrnum í körfuna þegar ég álpaðist til að reka augun í dagsetninguna - jógúrtin var útrunnin 12. apríl 2004!! Og í dag mun vera 3. maí 2004!! Svo var annarsstaðar í kælinum önnur röð af sama jógúrtinu og þar var mun skaplegri síðasti söludagur, góð sölumennska. Keypti líka snakk, svona skrúfur með salti og þar sem ég er búin að vera ægilega dugleg að taka til þá sit ég núna fyrir framan imbann með labbann og snakkið. Málið er bara, hvernig getur verið beikonbragð af skrúfum með salti þegar á ekkert að vera neitt fja.... beikon á þessu rusli!! Ekki sátt. Sá líka nokkuð flottan pínulítinn bala undir sumarblómin, keypti svoleiss þar sem hann kostaði nú bara 300 kall, giska á að hann eigi eftir að ryðga, leka og allt líf í honum að drepast og hana nú!
Smá meiri pæling með jógúrtina. Þegar hakk er að renna út í búðunum þá er það tekið og skellt í kjötfars, bjúgu og pylsur ásamt hinum ýmsu auka- og bindiefnum auk vatns og kjöts sem er svo feitt að því yrði hent ef ekki hefði verið tekið upp á því að troða því í garnir, sjóða og eta! Hvað ætli sé gert við útrunnar mjólkurvörur - hvernig verður smurosturinn, kotasælan og fleira gott til???
posted by Sibba at 9:43 e.h.
|
~|=|~
sunnudagur, maí 02, 2004
Komin heim úr skemmtilegri ferð í Þórsmörk. Lögðum af stað uppúr hádegi á laugardeginn, náðum í Jón Valgeir í Grafarvoginn og brunuðum þaðan sem leið lá í Mörkina. Jón skemmti okkur með frægðarsögum alla leiðina og var einnig hinn fínasti leiðsögumaður og fræddi okkur um hina ýmsustu staði á leiðinni. Sögurnar urðu betri og betri með hverjum bjórnum hehe!! Þegar inní Húsadal var komið fundum við okkur bás og síðan var haldið að skoða Gluggahellinn, þar tókst einum Englending að festa sig í Krossánni en Bjarturinn stimplaði sig inn hjá ferðafélögunum og gekk á vatni til að koma spotta í greyið, allt gekk svo vel að kippa honum upp. Um kvöldið voru grilluð svaka fín lambalæri og allir átu á sig gat, við sátum með Kaffibrúsakörlunum (Geiri og Finnur) á borði og grétum úr hlátri yfir bullinu í þeim. Síðar dró Finnur fram gítarinn og Geiri fram skeiðarnar og saman stóðu þeir fyrir upphitun fyrir Þjóðhátíð enda sannir Eyjamenn!! Annars var svo bara farið snemma í háttinn og vaknað snemma á sunnudeginum. Rifum okkur upp kl 9 og fórum í gönguferð (jebb, Bjartur fór í gönguferð (",)) og síðan í morgunmatinn. Svo var brunað af stað uppúr hádegi, stoppað við Lónið og við gil sem við getum ekki munað hvað heitir. Ókum síðan Fljótshlíðina til baka og kvöddum svo ferðafélagana á Hellu. Barasta fínasta ferð og hér má skoða myndirnar. Gleymdum alveg að minnka stærðina í vélinni svo þær eru kannski svoldið lengi að koma en samt alveg tímans virði að skoða (",)
posted by Sibba at 7:37 e.h.
|
~|=|~
laugardagur, maí 01, 2004
Já bara allt að gerast þessa dagana, sóttum tengdó í Hveragerði í gær og fórum út að borða á Grillhús Guðmundar í Tryggvagötu. Ég fékk mér þetta líka dýrindis salat með kjúklingabitum og beikoni, ekkert smá gott og ég mæli sko með því. Tommi kallinn kíkti svo við með snittur sem hann hafði verið að dunda sér við að malla, það er svona að vera kvenmannslaus í smá tíma hehehe!! Kvöldinu var svo eytt hjá Hilla og Rúnu, þar var haldið áfram að borða í tilefni þess að heimilisfrúin átti afmæli. Þegar ég set þetta svona niður þá sé ég að það var bara borðað ansi mikið í gær!!!!
Í dag er svo ferðinni heitið inní Þórsmörk með Land Rover klúbbnum, leggjum af stað um 1 leytið en þar sem kallinn er að skutla tengdó á flugvöllinn, ég að bloggast og það er eftir að kaupa mat og pakka niður þá senkar brottför örugglega eitthvað (",) Helgin fer sem sagt ekki í það að pæla í sjúklingunum mínum, gera skýrslur, lesa og gera mat um það hvernig ég hef verið að standa mig. Geri þetta allt síðar!
posted by Sibba at 11:51 f.h.
|
~|=|~
|
