|
föstudagur, janúar 30, 2004
Óskup er nú gott að vera risin upp frá rúminu og lífið komið í sinn vanagang. Ég hafði það af að skila af mér verkefninu í barnasjúkraþjálfun en gæðin í því eiga nú eftir að koma í ljós. Annars eyddi ég deginum í að glápa á DVD mynd, Two Weeks Notice, það að ég taki video/DVD mynd uppá eigin spítur er eitthvað sem gerist aldrei á þessu heimili nema að mér leiðist óheyrilega mikið eða sé veik. Og einhverra hluta vegna þá tek ég alltaf Hugh Grant myndir, veit ekki af hverju, er búin að sjá Notting Hill 150x og hún er alltaf jafn góð. Já svona er maður skrítinn!!! Annars er jeppaferð á Eyjafjallajökul á morgun og við hjúin ætlum að skella okkur með, það eru eitthvað um 20 bílar að fara svo þetta verður heljarins hópur. Það er spá fínasta veðri svo þetta verður örugglega hin besta skemmtun, enda alltaf gaman á fjöllum =)
posted by Sibba at 9:44 e.h.
|
~|=|~
fimmtudagur, janúar 29, 2004
Ljóta líf!!!!
Er búin að liggja í rúminu í bráðum tvo sólarhringa með túrverki frá helvíti og er núna komin með hita af þessari rúmlegu. Svo í þokkabót komst ég ekki inn á Hrafnistu í dag eins og ég ætlaði mér og núna sit ég við tölvuna að reyna að gera verkefni í barnasjúkraþjálfun sem ég á að skila á morgun.........eitthvað verður það nú skrautlegt =) En það góða við þetta allt er að nú er ég öll á uppleið og svo kom elskan mín heim með bangsa handa mér í dag. Þessi líka svakaflotti Landrover bangsi, hann er hvítur í svörtum jakka og með bakpoka og snjóbretti!!!! Held að það sé verið að gefa mér eitthvað hint í bílamálum en Krúserinn rúlar!!!
posted by Sibba at 8:15 e.h.
|
~|=|~
þriðjudagur, janúar 27, 2004
Það er bara ekkert eðlilegt hvað mér leiðast þriðjudagar óskaplega mikið. Ég verð samt að tengja þessi leiðindi mín við einn ákveðinn kennara sem er að kenna okkur lungnasjúkdóma. Þessi maður er ekki alveg í lagi. Hluti af tímanum fór í að tala um AIDS og smitleyðir þess. Hann fór þá að segja okkur frá því þegar hann var á ráðstefnu í Amsterdam og á hótelinu voru konur að selja sig. Hann fór þá að segja frá því að hann hefði tekið eftir því að í áðurnefndri borg væri það gegnum gangandi að fólk væri að "sexa" sig útum allar jarðir!!!!!!!! Ekki samfarir, kynlíf eða what ever heldur sexa sig!!!!!! Svo þegar fólkið sem einu sinni fékk neikvætt svar á AIDS prófi fékk svo jákvætt próf þá er fólkið búið að "turnast" í alnæmissmitaðann einstakling.
Spurning um að maðurinn þurfi að sexa sig eilítið oftar til að turnast í eðlilegan mann!!!!!
posted by Sibba at 4:10 e.h.
|
~|=|~
sunnudagur, janúar 25, 2004
Letidagur!!
Þessi sunnudagur er sko bara letidagur frá upphafi til enda. Við skelltum okkur í afmælið hans Tomma á Gauknum í gær og það var alveg hörkufjör. Við bíðum spennt eftir niðurstöðum í veðmálinu mikla, ég heyrði að það var verið að bora einhversstaðar í stigaganginum og ég hef 2hm grunaða. Tommi fékk sko KR treyju áritaða af meistaraflokki KR í fótbolta innrammaða og veðmálið snýst um hvar hún verður hengd upp =) Ég væri nú alveg sátt við að skella þessari gjöf á brennu en ég fæ ekki miklar undirtektir með það. Við djömmuðum svo með SSSól fram eftir nóttu en ég var nú ekki alveg sátt við að vera dregin heim þegar stuðið var komið í gang (milli kl 3 og 4 minnir mig) en það er svona þegar samdjammarar hafa ekkert úthald!!! Svo er það bara sófinn, sængin og TVið í dag, nenni enganvegin að kíkja í skólabók núna. Bjarturinn var hetja áðan og fór á Stylinn til að ná í borgara og sefur núna vært í sófanum, eitthvað svo þreyttur greyið ;-)
posted by Sibba at 4:22 e.h.
|
~|=|~
laugardagur, janúar 24, 2004
Sumt fólk er nú ekki alveg heilt á geði sko. Get ekki sagt að afleiðingarnar hafi komið mér á óvart en samt svoldið cool!!!!
posted by Sibba at 1:14 e.h.
|
~|=|~
föstudagur, janúar 23, 2004
Úff strákarnir eru nú ekki alveg að standa sig í EM, búnir að tapa bæði fyrir Slóvenum og Ungverjum. Þetta er nú ekki alveg að gera sig............
posted by Sibba at 6:57 e.h.
|
~|=|~
Komið nýtt commenta kerfi, takk Jóna fyrir að benda mér á að hitt væri ekki að virka, ég var ekkert að spá í svoleiðis. Þú verður núna að segja mér frá því hvað þú ert búin að vera dugleg í ræktinni =) ég er stolt af þér!!!!. Ég er annars voða stolt að vera ekki að drepast úr harðsperrum eftir allar hópæfingarnar í gær, er bara með smá efst í kálfunum og er ekki alveg að skilja af hverju.
Við Linda og Guðný vorum áðan niðri á Borgarspítalanum að gera verkefni í tengslum við lungnasjúkraþjálfun, við áttum svo bágt að vera þarna að við vorum alveg að drepast. Lungu eru sko ekki alveg okkar áhugamál en þar sem allir eru jú með lungu þá verður maður víst að læra þetta =(
Svo er víst bóndadagurinn í dag, gaman að því. Ég ætlaði nú að elda eitthvað gott handa kallinum í tilefni dagsins en hann verður mjög sennilega að gera við í kvöld eins og undanfarin kvöld. Kannski maður kíki á kallinn á eftir með eitthvað gott, bjúgu eða kjötfars til dæmis, hann yrði nú ánægður með það strákurinn enda uppáhaldið!!!!!!!!!!
posted by Sibba at 3:49 e.h.
|
~|=|~
fimmtudagur, janúar 22, 2004
Enginn bolti í kvöld..............loksins þegar átti að hrista bumbuna =( Annars byrjuðum við með hópæfingar áðan, þá á hver og einn í bekknum að stjórna hópæfingum. Í dag fórum við í tíma í sundleikfimi fyrir offitusjúklinga, stólaleikfimi fyrir aldraða og bakleikfimi fyrir hryggiktarsjúklinga. Þetta bætir upp boltatapið, langar nú samt helling í sundlaugina en nenni ekki nógu mikið núna, fer um helgina í staðinn.
Ég fór í dag í Hamraborgina og í Nóatún. Það var ekkert smá skrítið hvað allt var hreint í Nóatúni, starfsfólkið á aldrinum 40-60 og starfsfólkið spjallaði við gamla fólkið sem var að versla sér þorramatinn eins og þau hefðu þekkst í mörg ár. Þessar aðstæður hefðu nú aldrei átt sér stað í Bónus þar sem starfsfólkið er flest á fermingaraldrinum, urrar á viðskiptavini og er lítið fyrir að þrífa!!! Ég man þann tíma sem við Bjarturinn vorum að þrífa þessa áðurnefndu Nóatúnsbúð, þá töluðum við oft um hvað væri ógeðslegt þarna, grænmetið geymt á óskemmtilegum stöðum og kjötið skilið eftir í kæliborðinu og svo slökkt á kæliborðinu, vínber á gólfinu um alla búð og endalaust ógeðsleg kaffistofa. Vonandi breyttir tímar í umgengni í dag!!!
posted by Sibba at 5:41 e.h.
|
~|=|~
miðvikudagur, janúar 21, 2004
Fullt að gera í skólanum og ennþá meira hjá Bjartinum í bílaviðgerðum, alveg tíbískt að allir hringja á sama tíma en það reddast bara. Ég hef ekki nennt að fara í sundlaugina í þó nokkurn tíma sökum leti og tímaskorts, er nú samt að spá í að vera hetja og drífa mig í boltann með þeim gömlu annað kvöld. Það er víst alveg kominn tími á að láta sjá sig þar og sprikla svoldið. Á örugglega eftir að drepast vegna þolleysis!!
posted by Sibba at 8:50 e.h.
|
~|=|~
þriðjudagur, janúar 20, 2004
Já sko til myndirnar úr Hveravallaferðinni eru komnar á veraldarvefinn, endilega skoða þær hér
posted by Sibba at 6:30 e.h.
|
~|=|~
fimmtudagur, janúar 15, 2004
Úff nú er tíminn alveg farinn að fljúga áfram og allt að komast á fullt í skólanum. Er meirasegja að verða búin með fyrsta verkefni vetrarinst sem mér til ómældrar gleði er tölfræðiverkefni =( Er ekki alveg að fýla þann áfanga. Annars styttist í jeppaferðina á Hveravelli og við erum bara að komast í ferðahug. Erum búin að versla nestið svo þá er ekkert eftir nema taka til fötin og svo Bjarturinn að tína til öll verkfæri heimilisins og annað dót sem er nauðsynlegt fyrir hans sálartetur að hafa með ;-)
Við Ágústa kíktum á Hrafnistu í dag og við erum bara komnar með vinnu næsta sumarið. Verður skrítið að vera þarna fjórða sumarið í röð en hin eru búin að vera svo fín að þetta sumar verður nú alveg örugglega jafn skemmtilegt. Æ svo hefur maður það ekkert betra annarsstaðar og svo fær ég miklu meira að gera þarna heldur en annarsstaðar. Þær voru að tala um að ég myndi leysa þær af sem sjúkraþjálfari og það verður voða gaman en það á allt eftir að koma í ljós =)
Svo á Bjarturinn afmæli á morgun, hip hip húrrey, hann fær köku og pakka í tilefni dagsins eins og lög gera ráð fyrir. Er að verða 24 ára strákurinn, loksins að fullorðnast.
posted by Sibba at 7:40 e.h.
|
~|=|~
mánudagur, janúar 12, 2004
Fínn dagur í dag, vorum uppi á Reykjalundi allan daginn að fylgjast með hópþjálfun. Fengum meiraðsegja frítt að borða í hádeginu, þennan líka fina gufusoðna lax. Fórum svo út í göngu kl 2 í brjáluðu veðri, allir sjúklingarnir í Kraft göllum og allir alveg að fjúka í brjáluðu roki og hálku, ekki kannski sniðugt fyrir óstabilt fólk en allt gekk vel. Svo styttist óðum í jeppaferðina, ég ætla að reyna að vera dugleg að læra í vikunni svo ég geti nú farið án samviskubits á fjöll. Þarf að vera búin með eitt tölfræðiverkefni fyrir mánudaginn sem ég ætla að reyna að hafa af í vikunni. Annars er ég ekki alveg að fíla þessa tölfræðikennslu, þetta er annar tölfræðiáfanginn og þar sem ég ætla hvorki að verða tölfræðingur né eyða æfi minni í rannsóknir þá er ég ekki alveg að sjá ljósið í þessu frekar en aðrir í bekknum hefur mér heyrst. Áfanginn á kannski eftir að koma sér vel í BS verkefninu en ef ég á eftir að gera rannsókn með miklum tölfræðiútreinkningum þá fæ ég tölfræðing til að sjá um það. Kemur sér að vísu vel að skilja um hvað útreikningarnir snúast og hvað þeir segja manni en einhver stærðfræðiheili má sjá um að framkvæma þá og hana nú. Ég ætla ekki að minnast orði á kennarann í þessu fagi, hann er fyrir neðan flest allar hellur og fátt gott um hann að segja því miður =(
posted by Sibba at 5:40 e.h.
|
~|=|~
sunnudagur, janúar 11, 2004
Fyrsta vikan í skólanum liðin og hún gekk bara vel, ég fer alveg að kíkja í skólabók ;-)
Við hjúin vorum nú ekki alveg sammála um að Ardís hefði átt að detta út í Idol, Anna Katrín er búin að syngja illa í síðustu skipti og hún hefði sko átt að detta út. Annars er ég farin að halda með Jóni, snilldar persónuleiki. En mér finnst samt á fólki að allir séu vissir um að Kalli vinni, ég er samt orðin þreytt á attitudinu í honum, orðinn alltof öruggur finnst mér en hann syngur voða vel. Það verður spennandi að sjá úrslitaþáttinn.
Við eyddum gærkveldinu hjá Tomma og Hrefnu með Dóra og Monette og gúffuðum í okkur pizzu og horfðum á DVD diskinn með strákunum í 70 mínútum. Þetta er alveg snilldar diskur og við áttum bágt með okkur af hlátri, erum örugglega öll nokkuð aum í andlitsvöðvunum eftir allan hláturinn. En þetta var ofsalega skemmtileg kvöldstund. Við Bjartur vorum að tala um að það væri gaman að prófa að spila Mr and Mrs, ef einhver veit um svoleiss spil og er til í að lána endilega láta vita!!
posted by Sibba at 2:00 e.h.
|
~|=|~
fimmtudagur, janúar 08, 2004
Ég fann þennan fína tímaþjóf á síðunni hennar Ernu, kemur sér vel þegar maður nennir ekki að læra =D
posted by Sibba at 8:03 e.h.
|
~|=|~
Þrír dagar búnir af skólanum og ég ekki búin að lesa staf í kennslubók eða glósum, er sko ekki að nenna því að byrja á þessu. Sé nú samt alveg lesefnið hlaðast upp, merkilegt hvað þessir kennarar halda að maður geti lesið!!! Þeir mega eiga það nokkrir kennarar og þá sérstaklega læknarnir að þeir eru voða duglegir að prenta út glósur og láta okkur fá. Aðrir skella þessu á netið og svo eru nokkrir vinsælir sem koma með glósur og slatta af greinum í hvern tíma og maður ljósritar, á þessum þrem dögum er ég búin að ljósrita ca 80 blöð.............hvað er málið!!! Svo er bolti í kvöld, veit ekki hvort ég nenni að mæta sökum leti og lélegs líkamlegs ástands =)
posted by Sibba at 7:40 e.h.
|
~|=|~
þriðjudagur, janúar 06, 2004
Þá er fyrsti skóladagurinn á þessari önn búinn, líst bara ágætlega á fögin og kennarana þe þessa fáu sem við erum búin að hitta en líst hins vegar ekki jafn vel á bókakaupin sem fara í hönd, fjárframlög vel þegin!!! Ætla að reyna að vera hetja og drífa mig í sundlaugina á eftir, það er löngu kominn tími á að hreyfa á sér afturendann.
posted by Sibba at 4:32 e.h.
|
~|=|~
mánudagur, janúar 05, 2004
Kíkið á þessa hetju, hún er engri lík =)
posted by Sibba at 11:11 e.h.
|
~|=|~
Alltof stutt í skólann, bara nokkrir klukkutímar!!
posted by Sibba at 10:51 e.h.
|
~|=|~
sunnudagur, janúar 04, 2004
Loksins komin heim eftir 7 tíma keyrslu, þetta gekk nú bara vel en það var alveg svakalega hált á smá kafla, var alveg eins og skautasvell á veginum og ég held að ég hafi gleymt að anda í nokkrar mínútur þegar Bjarturinn var að svinga til á veginum en allt fór þetta vel. Þegar við vorum svona rétt nýlögð af stað og komin í Álftafjörðinn sáum við svartan svan, það var neglt niður og stúlkan stökk út og smellti mynd af honum. Annars er alveg ofsalega gott að vera komin heim og ég tala nú ekki um að komast í rúmið sitt. Ætli ég eyði ekki morgundeginum í að taka til og svoleiss því svo byrjar skólinn á þriðjudaginn, stundaskráin er komin og hún er nú ekki spennandi alltaf til 3 á deginn og eitthvað =(
posted by Sibba at 9:42 e.h.
|
~|=|~
laugardagur, janúar 03, 2004
Og við erum enn í sveitasælunni en ekki mikið lengur því við brunum í bæinn á morgun. Úff hvað verður gott að komast í rúmið sitt góða, er ekki alveg að fíla rúmið hérna, við erum bæði búin að vera með hausverk síðustu dagana og ég kenni rúminu um. Við kíktum í gær inní Sel og gáfum hestunum brauð, þeir voru nú voða fegnir að sjá okkur og vildu helst éta okkur með brauðinu, er ekki frá því að það sé pínu slef á jakkanum mínum en það er bara gott. Fjórhjólið stóð inní hlöðu og var ekki gerð tilraun að þessu sinni til að setja gripinn í gang, enda svo sem ekkert gaman þegar er enginn snjór. Svo er líka búið að vera agalega kalt hérna, þó það sé ekki nema kannski -5° þá er samt alveg skítakuldi svo maður nennir ekki mikið að vera útivið. Það er svo einmitt ástæðan fyrir því að ég er búin með Harry Potter þannig að nú má næsta bók koma út, það vantar alveg endinn á þessa.
Ég er ekki alveg að trúa því að ég sé að fara að mæta í skólann á þriðjudaginn, omg!!!! Það verður skelfilegt að þurfa að fara að hanga yfir bókunum aftur, og ekki bætir úr skák að prófin eru í mars svo þetta verður stutt og skemmtileg törn =( Verður gott að komast í sumarfrí múhahah
posted by Sibba at 10:03 e.h.
|
~|=|~
fimmtudagur, janúar 01, 2004
Gleðilegt nýtt ár og takk kærlega fyrir það liðna.
Jæja þá erum við hjúin komin í sveitasæluna og höfum það alveg ofsalega gott. Við áttum von á leiðinlegu veðri og fullt af snjó á leiðinni svo við dressuðum okkur upp í fjallagallann, þegar á leið aksturinn þá smá saman minnkaði snjórinn og var bara búinn þegar við vorum komin yfir Hellisheiðina. Fjandans vesen, við sem vorum að vonast eftir smá aksjóni og skemmtun. En við komumst heilu og höldnu á áfangastað 8 tímum síðar, bæði að drepast í baki og afturenda því sætin eru ekki beint gerð fyrir 8 tíma setu og bara 1 stopp á þeim tíma!!! Og ekki tekur betra við, gamla rúmið hans Bjarts er ekki gert fyrir grannt fólk eins og okkur og fáum við því valda gorma í skrokkinn þegar við erum að reyna að hvílast. Þetta tekur að sjálfsögðu á og er því alveg tilvalið að leggja sig á daginn líka, ljúft líf!! Við kíktum svo á brennu í gærkvöldi, hún var óvenjustór þetta árið því það var verið að brenna dóti úr sláturhúsinu sem er hætt störfum. Flugeldasýningin tókst líka vel þrátt fyrir leiðinlegt veður. Annars var svo mikið rok og skafrenningur að við stoppuðum nú ekki lengi á brennunni og nenntum ekki einu sinni út fyrir hússins dyr til að horfa á flugeldana sem skotið var upp á miðnætti, það var því bara horft á þá útum eldhúsgluggann. Bjarturinn dreif sig svo á Hótelið að hitta sveitungana og skemmti hann sér bara vel, reyndar svo vel að hann lá aumur í rúminu til kl 5 í dag. Þið sem hafið heyrt Þórsmerkursögur vitið við hvað er átt =D Ég var hins vegar bara róleg heimavið og las Harry Potter, er komin á bls 350 og er því að verða hálfnuð með bókina.
Ég veit ekki hversu mikið ég nenni að skrifa héðan, það tekur á þolinmæðina að vera ekki með ástkæra ADSLið............humm hef samt víst ekkert betra við tímann að gera. Ætla nú að reyna að draga manninn inn í Sel að kíkja á hestana og fjórhjólið á næstunni, myndavélin verður tekin með og myndir settar inn einhverntíman á árinu =)
posted by Sibba at 8:58 e.h.
|
~|=|~
|
