|
mánudagur, nóvember 29, 2004
Uppþvottavélin og snjóruðningstækið!!
Þetta er nú óskup lítið mál sko!
Til að breyta uppþvottavél í snjóruðningstæki þá réttir maður bara konunni á heimilinu skóflu og sendir hana út að moka.
Þegar ég sagði Bjart þennan brandara þá sagði ég að maður myndi bara rétta manninum á heimilinu skófluna en hann var ekki að ná þessu fyrr en ég útskýrði aðeins betur, greinilegt hver vaskar upp hér þessa dagana (",)
posted by Sibba at 5:06 e.h.
|
~|=|~
fimmtudagur, nóvember 25, 2004
Uppþvottavélar!!
Ég var búin að reka augun í að það var talað um uppþvottavél hér í gullnu reglunum fyrir neðan og við Dagný vorum að ræða í commentunum að sennilega hefði nú ekki verið til svona græja á þessum árum hér á skerinu. En þá datt mér í hug svoldið sem ég heyrði um daginn.............hvernig á að breyta uppþvottavél í snjóruðningstæki?
posted by Sibba at 11:14 f.h.
|
~|=|~
fimmtudagur, nóvember 18, 2004
Breyttir tímar-ég hefði nú ekki funkerað vel á þessum tíma (",)
Úr kennslubók í heimilisfræði:
Svona var þetta í gamla daga...Þessar reglur eru teknar úr kennslubók í heimilisfræði síðan 1950.
1. Hafðu kvöldmatinn tilbúinn á réttum tíma. Það veitir honum þá tilfinningu að þú hafir verið að hugsa um hann og að þér sé annt um þarfir hans. Flestir karlmenn eru svangir þegar þeir koma heim og tilbúinn matur er hluti af því að láta hann finna hversu velkominn hann er heim, en það er karmönnum nauðsynlegt.
2. Notaðu 15mín. til að snyrta þig og skipta um föt áður en hann kemur. Hann er að koma heim úr leiðinlegri og erfiðri vinnu og er þreyttur. Vertu svolítið hress og skemmtileg til að hressa hann við.
3. Taktu upp allt rusl og dót. Farðu eina umferð um húsið og safnaðu saman skólabókum, leikföngum, pappírsrusli og blöðum. Renndu svo tusku yfir borðin til að þurrka af og þrífa svolítið. Eiginmanni þínum mun finnast hann kominn í friðarparadís og það hefur mikið að segja fyrir hann.
4. Snyrtu börnin til. Það tekur aðeins nokkrar mínútur að þrífa hendur og andlit og greiða þeim.. Ef þarf, skaltu láta þau skipta um föt. Þau eru hans fjársjóður og hann vill sjá þau þannig.
5. Sjáðu til þess að húsið sé hljóðlátt. Slökktu á öllum vélum, s.s. uppþvóttavél, þvottavél, þurrkara og ryksugu. Reyndu að sjá til þess að börnin hafi hljótt. Taktu á móti honum með glöðu brosi.
6. Gættu þess að hella ekki yfir hann kvörtunum þegar hann kemur. Ekki heldur kvarta þó hann komi of seint í mat. Þú getur verið viss um að þínar kvartanir eru minniháttar í samanburði við það sem hann hefur þurft að þola yfir daginn.
7. Sjáðu til þess að hann hafi það þægilegt. Láttu hann halla sér aftur á bak í hægindastól eða stingdu upp á því að hann halli sér smástund í rúmið. Vertu tilbúinn með kaldan eða heitan drykk handa honum. Bjóddu honum að klæða hann úr skónum og hagræddu púðunum undir honum. Ræddu við hann með rólegri, mjúkri röddu. Leyfðu honum að slaka á.
8. Láttu hann ráða kvöldinu. Ekki kvarta þó hann fari ekki með þig út að borða eða á aðrar skemmtanir, reyndu í stað þess að skilja að hann hefur fengið sinn skerf af streitu og látum yfir daginn og þarfnast hvíldar heima.
9. Markmiðið er að gera heimilið að stað þar sem eiginmaður þinn getur fundið frið og reglu og getur slakað á eftir erfiðan dag.
posted by Sibba at 10:45 e.h.
|
~|=|~
Vatnið og veðrið
Það er ca 13° frost úti en samt mættu 8 á vatnsleikfimina áðan! Ég verð nú að viðurkenna að ég dáist alveg að kellunum, alltaf þegar er vitlaust veður þá er laugin tóm fyrir utan 10-20 manns og flest 60-80 ára! Ég vona að ég verði svona hress ef ég verð gömul en ég ætla samt að hafa vit á því að halda mig heima í svona veðri með kakó, piparkökur og bók en vera ekki að þvælast í sundlaugina.
posted by Sibba at 8:27 e.h.
|
~|=|~
miðvikudagur, nóvember 17, 2004
~|=|~
þriðjudagur, nóvember 16, 2004
Jeppafæri
Þvílík endemis vitleysa að selja jeppann sinn til að kaupa steypu. Mig langar í jeppa! 
posted by Sibba at 9:05 e.h.
|
~|=|~
miðvikudagur, nóvember 10, 2004
Verknámið gengur bara sinn vana gang þessa dagana. Óskup eitthvað lítið að gerast á Kotinu hjá okkur Halldóru svo við erum farnar að nýta tímann í pælingar fyrir BS verkefnið til að nýta nú tímann í eitthvað. Annars er dvölin aðeins að batna og allir að reyna mikið að taka sig á til að okkur líki nú sem best, svo eru sjúklingarnir okkar bara ágætir en við getum nú ekki sagt að við séum að læra heilan helling. Við viljum Reykjalund!!
Svo er nú aðeins farið að styttast í flutninga, vorum að skrifa undir söluna á hjallanum í dag svo þetta varð pínu raunverulegra þegar maður er ekki skráður eigandi hér mikið lengur. Ég er aðeins byrjuð að pakka niður, bara bókum og geisladiskum og svoleiðis. Fer hvað úr hverju að leggja í skóladótið og geymsluna, annars held ég að þessi geymsla verði eilífðarverkefni þar sem það er eiginlega ekki hægt að opna dyrnar! Held ég þurfi að brjóta upp gluggann til að ná út einhverju dóti - 4 stykki 38" dekk taka náttúrlega sitt pláss (",)
Annars er Bjarturinn bara að vinna á hverju kvöldi þessa dagana og um helgarnar líka. Hann er að hjálpa Einari bróðir mínum að breyta jeppanum sínum en það fer nú að klárast bráðum.
Kvennaliðið í fótbolta er að skíta á sig á móti þeim norsku akkúrat þessa stundina - ekki fallegt að vera 4-0 undir í hálfleik!! Svona gerðist nú ekki í gamla daga þegar maður var uppá sitt besta í Breiðablik hehehe
posted by Sibba at 5:54 e.h.
|
~|=|~
|
