|
föstudagur, september 26, 2003
Skellti mér í boltann með gömlu köllunum í gær. Það var bara hörkufjör og mikið gaman, kom skemmtilega á óvart að ég stóð ekki á öndinni eftir smá stund og gat bara hlaupið slatta og gekk bara ágætlega. Bjarturinn fór ekki því hann er ennþá með flensuna í heimsókn en þetta er allt að koma hjá honum, hann verður orðinn sprækur sem lækur von bráðar.
Ótrúlegt hvað eru alltaf leiðinlegir kennarar á föstudögum. Í fyrsta tímanum var 70 ára kall að kenna okkur um isotoparannsóknir, eitthvað sem við þurfum að vita að er til en ekki meir, best að eyða 2 klst í svoleiss. Ekki tók nú betra við í næsta tíma, 2 klst um kjálkaliðinn sem er svosem í læ. Þegar ég kom inn í stofuna og sá kennarann leið mér eins og ég væri kominn á bíla eða smíðaverkstæði (smá flassback í umræðu um föt kennara), gæinn var í ljósbláum vinnubuxum (jak.is!!!) og í rauðköflóttri vinnuskyrtu (rúmfatalagerinn.is). Ekki nóg með það heldur gleymdi hann að greiða sér og var með hárið skemmtilega út í loftið svona eins og skratti með horn (æ ljótt). Eftir kjálkann tóku við 2 klst í æðaskurðlækningum og þá fyrst var nú gaman. Fjallmyndarlegur æðaskurðlæknir í jakkafötum, flott bindi og glansandi skór!!!!!! Verst hvað námsefnið var leiðinlegt!!! Segið svo að við sjúkraþjálfarar lærum ekki helling, samt slatta um það sem þarf ekki að vita en hvað um það =)
Hrós dagsins fer til húsbóndans sem var búinn að vaska upp þegar ég kom heim (hei!!! ég er húsbóndinn hihi)
Snilld dagsins eru strákarnir sem mættu í boltann í gær, önnur eins tilþrif sjást ekki annarsstaðar. Becham hvað!!!!!
posted by Sibba at 6:09 e.h.
|
~|=|~
miðvikudagur, september 24, 2003
Bjarturinn er bara veikur í dag. Fór ekkert í vinnu og var bara heima og lúllaði hjá Bóbó. Krækti sér í flensuna sívinsælu sem fer ekki framhjá neinum þessa dagana.
Ég fór í laugina áðan og synti slatta, svo þegar ég var alveg að fara uppúr þá byrjaði sundæfing hjá einhverjum krökkum þannig að ég synti ennþá meira, var alveg dauð þegar ég loksins fór. Kláraði nú samt ekki æfinguna, þau synda alveg helv.... mikið þessi grey, ættu frekar að kíkja á fótboltaæfingu, það er miklu skemmtilegra =)
posted by Sibba at 7:22 e.h.
|
~|=|~
sunnudagur, september 21, 2003
Ég hafði mig í ræktina í morgun, fyrir hádegi by the way!!!! Ég byrjaði að hamast á orbitrekkinu og færði mig svo yfir á bretti. Þegar ég var að skokka á brettinu fór ég allt í einu að spá í þessari áfengislykt sem var í nefinu á mér. Er ég í alvörunni orðinn svona mikill alki að ég sé komin með constant alcohol smell in my nose syndrome?? Hélt fyrst að þetta væru eftirköst næturinnar þar sem Bjarturinn kom heim af djamminu um 3leytið og þá náttúrlega fylgir áfengislykt en fór svo að spá í náunganum við hliðina á mér. Ég get svo svarið fyrir það að ég var bara að kafna úr áfengislykt þarna og ég held að ég hafi aldrei kvartað yfir þeim ilmi áður. Hvað rekur fólk sem er nýkomið af djamminu til að fara að hreyfa sig, ég á nógu erfitt með þetta edrú!!! Meiraðsegja þegar ég var að klára á orbitrekkinu kom þjálfarinn labbandi til mín og spurði hvort þetta væri erfitt............ég hélt ég yrði ekki eldri.............en sagði að þetta væri allt of erfitt svona fyrir hádegi. Kommon ég var ekki rauð í framan eða neitt!!!! En allavega eftir brettið skellti ég mér á róðravélina og réri út í Viðey, á leiðinni gat ég virt nágrannan af brettinu fyrir mér og þetta hlaupalag er nú ekki líkt því sem ég hef verið að pæla í í göngugreiningu sko múhahaha. Mæli ekki með þessu, taka sér nokkra daga í þynnku áður en farið er að hamast takk.
posted by Sibba at 6:06 e.h.
|
~|=|~
laugardagur, september 20, 2003
Það er bara ógeðslegt veður úti. Var uppi í skóla áðan að æfa verklega hlutann af bakkúrsinum með Halldóru, gekk bara fínt. Geðveikt hvasst á leiðinni heim á kringlumýrarbrautinni að bíllinn var næstum á flakki á milli akgreina en ég er svo mikill massi að ég reddaði þessu nú alveg =) Það var alveg hræðilega leiðinlegt í skólanum á föstudaginn, hvað er málið með að planta tveim leiðinlegustu læknunum á fyrirlestra sama daginn!!! Annar sló nú alveg í gegn með átfittinu, hann var í svörtum buxum, bláum bol, gulri peysu og grænum jakka og var bara eins og ofalinn páskaungi!!! Við fórum svo í heimsókn upp í Össur eftir hádegi og það var alveg rosalega gaman. Það var verið að tala um aflimanir og gervifætur og það voru þarna tveir menn sem höfðu misst fót og voru að spjalla við okkur, leyfa okkur að skoða stúfinn og horfa á sig ganga. Maður lærði alveg helling á þessu og það er alveg ótrúlegt starf sem þeir eru að vinna þarna í Össur, rosalegt hugmyndaflæði og mikil þekking þarna.
Kíkti svo í Kringlu og Smáralind með Bjartinum og hann verslaði sér fullt af fötum, endurnýjaði bara fataskápinn á einu bretti. Voða gaman. Horfðum svo á Idol stjörnuleit um kvöldið, ekkert rosa spes þáttur því það voru svo fáir sýndir syngja.
Bjarturinn er núna í ævintýraferð með BogL, voru að fara á fjórhjól, í paintball og eitthvað fleira, er örugglega rosagaman þó að það sé leiðinlegt veður. Oh hvað ég vildi að ég væri að gera eitthvað svona skemmtilegt núna, nenni ekki að fara að læra, ekkert skemmtilegt í sjónvarpinu, er of löt til að fara í ræktina, kannski ég fari bara að taka til og setja í þvottavélar og svona hef víst ekki verið of dugleg í þeim pakka síðustu dagana ;-)
posted by Sibba at 4:32 e.h.
|
~|=|~
miðvikudagur, september 17, 2003
Bara fínt í skólanum í dag, vorum í tíma um aflimanir eftir hádegi en það var nú svoldið dautt en ágætt samt. Vorum svo í tíma hjá dömunni líka, þetta er nú ljóta helvítís tímasóunin að vera þarna, verst að það er skyldumæting af því þetta er verklegir tíma annars myndi enginn mæta. Vorum að skoða ökkla í dag, eitthvað sem mér finnst bara spennandi en hún eyðileggur alla ánæguna af þessu. Við Halldóra fórum að spyrja hana um ökklana á mér bara svona uppá grínið og ath hvað hún myndi segja, þeir eru sko allir í klessu af því ég er búin að togna svo oft. Hún skalf svo mikið þegar hún var að testa ökklana að ég bara leit niður á fæturna á mér til að spá hvort það væri í alvöru ég sem titraði svona eða hvað væri eiginlega í gangi!!!
Er búin að ákveða að á morgun eftir skóla þá ætla ég í sundlaugina, er alveg búin að fá nóg af þessari leti og slappleika. Eins gott að það verði gott veður =)
posted by Sibba at 9:46 e.h.
|
~|=|~
þriðjudagur, september 16, 2003
Langar svo bara að minna á gestabókina, allir að skrifa og oftar en einu sinni. Ætla líka að reyna að finna mér betra forrit til að setja myndirnar í, þetta er svo voðalega leiðinlegt
posted by Sibba at 7:33 e.h.
|
~|=|~
Kíkti til Jónu í gær, við vorum að hittast nokkrar stelpur sem vorum mikið saman í grunnskóla. Það var bara voða gaman að hittast og rifja upp "gamla" daga, skoða myndir og slúðra um liðið sem var með okkur í árgangi. Ótrúlegt að stelpur sem voru með okkur í skóla séu komnar með þrjú börn, þess vegna öll með sitthvorum manninum, giftar og skildar!!!! Ekki það að þetta þurfi að taka langan tíma, en er eitthvað sem mann langar kannski ekki til að standa í sjálfur.
Var í alveg snilldar tíma í morgun, sat í 2 klst og hlustaði á lækni tala um gigt. Tíminn var svo sem ágætur en þegar er ekkert rosalega gaman og allt stendur á glærunum þá fer ég nú bara að hugsa um eitthvað annað. Var til dæmis að hugsa um það hvernig þessir læknar klæða sig. Síðustu vikur eru búnir að koma eitthvað um 10 læknar og allir að kenna um sína sérgrein. Það er voða gaman að spá í þessum týpum. Sá sem var í dag var bara nokkuð vel til fara í snyrtilegri skyrtu og peysu utanyfir og bara í plein svörtum buxum, maðurinn hlýtur að eiga góða konu sem hugsar vel um hann en hún hefur eitthvað klikkað á skónum því hann var í eldgömlum grófbotna GRÆNUM skóm, úff var ekki alveg að ganga!!! En nóg um fötin, við fórum að spá í því í hléinu að þegar maður hlustar á hann þá var það annað hvort eins og að hlusta á dýralífsmynd eða prest, gátum ekki alveg ákveðið okkur. Þannig að í seinni tímanum þá spáði ég mikið í raddbeitingu og hljóminn hjá honum og komst að því að hann hljómaði bara eins og prestur, minnti mig svoldið á hann Vigfús í Grafarvoginum. Röddin kom alveg sérstaklega flott út þegar hann sýndi okkur uppáhaldsmyndina sína sem var röntgenmynd af fingrum sem sýndi samanburð á fingri fyrir gigt, melló gigt og slæm gigt. Lýsingarnarorðin voru nokkuð skrautleg og áttu frekar heim í predikun en sjúkdómafræði =)
posted by Sibba at 7:32 e.h.
|
~|=|~
sunnudagur, september 14, 2003
Jæja það er nú alllangt síðan ég bloggaði síðast. Ég er búinn að vera á fullu að vesenast í að standsetja húsnæðið í Hafnarfirði, mála og fl. og nú getur maður loks farið að dunda í bílnum á kvöldin og jafnvel að braska aðeins.
Núna er ég að baka, já þú last rétt ÉG er að baka og gat það allveg einn og óstuddur.
Jæja bless og þar til næst, farið vel með ykkur.
Bjarturinn
posted by Bjarturinn at 4:04 e.h.
|
~|=|~
laugardagur, september 13, 2003
Það var hörku gaman hjá Birnu í gær að horfa á Ungfrú Evrópu, alger snilld þegar var verið að spyrja stelpurnar að einhverjum heimskulegum spurningum og þær voru spurðar á frönsku og þær náttúrlega skildu ekki baun (hver skilur frönsku!!!) og þurftu svo að bíða heillengi eftir að spurningin væri þýdd, þetta var algert klúður. En allavega, Atla stelpa vann svo hann fær 7 fílakaramellur á mánudaginn. Ég hélt með frönsku stelpunni en hún komst ekki í 5 gellu úrslitin.
Úff ég ætlaði að vera svo hrikalega dugleg að læra í dag en er bara búin með nokkrar blaðsíður, er bara með hausverk og slöpp. Er ekki alveg að fíla þetta endalausa veikindaástand. Er þó búin að setja í nokkrar þvottavélar, ég má eiga það.
Snilld dagsins er að sjálfsögðu 10-0 sigur stelpnanna á móti Póllandi, ekki við öðru að búast því þær pólsku gátu ekki rass, held að ég hefði alveg komist léttilega í liðið þeirra sko. Frekar gott í landsleik að skora mark á ca 9 mínútna fresti!!!
Krútt dagsins er hins vegar Sara Ósk sem var í heimsókn hjá Tomma og Hrefnu í dag, krúttið litla er alger bjútíbolla, klingir alveg á milli hæða hjá okkur Hrefnu í dag, held samt að það sé búið að binda uppá þá á báðum hæðum =)
Hrós dagsins verður nú að fara til Bjarts sem er búinn að vera í bílastússi í allan dag en..........................þurrkaði samt þegar ég var að vaska upp oooooooooog setti sokkana sína í þvottavélina =)
posted by Sibba at 9:24 e.h.
|
~|=|~
föstudagur, september 12, 2003
Jæja þá er ég risin upp úr rúminu en er nú samt í slappara lagi ennþá. Fór í skólann í gær og sat alveg frá 8-5 og ég var bara alveg búin eftir það og fór heim og lagði mig, svipuð saga í dag nema var bara frá 8-12 en fór þá heim og lagði mig =) Úff hvað ég þarf að vera dugleg að læra um helgina. Heyrði í Lubbu í gærkvöldi og var eitthvað að spá með hlöðuferð, við förum kannski á sunnudaginn ef við nennum, hún er upptekin stelpan restin af helginni. Ótrúlegt með þessar hjúkkur hvað þær þurfa aldrei neitt að læra, setjast bara niður nokkrum dögum fyrir próf og fá svo 9 - óþolandi lið =)
Við vorum í tíma hjá dömunni í dag, sokkabrandara fljúga stanslaust og henni stekkur ekki bros greyinu. Hún bauðst þó til að loka öllum gluggum þegar hún var að biðja um tilraunadýr, greyið litla. Við Halldóra vorum eitthvað að reyna að spyrja hana um hnéð á Halldóru en það var nú ekkert á henni að græða, stamaði bara og fletti bókinni minni, viss um að hún krumpaði blaðsíðurnar því hún er svo skjálfhent.
Ætla að kíkja til Birnu á eftir og horfa á Ungfrú Evrópu, það ætla einhverjar úr bekknum að koma. Annað árið ætlar að fjölmenna upp í skóla og styðja bekkjarsysturina. Svo er busun annað kvöld, æ það er svo gaman að vera að fara að busa, ég ætla að sjá til hvort ég mæti, er ekki alveg sú hressasta og þess vegna ekki í neinu djammstuði =(
posted by Sibba at 6:38 e.h.
|
~|=|~
miðvikudagur, september 10, 2003
Og já ég hef ekkert betra að gera þegar ég er veik en að laga síðuna, fer samt að læra bráðum held ég. Hitinn er eitthvað að minnka
posted by Sibba at 1:00 e.h.
|
~|=|~
Var að heyra fyndnustu sögu ever og bara verð að skrifa hana niður áður en hún gleymist. Ég er sem sagt veik heima í dag líka og var að spjalla við Kristínu á msn og var að spyrja hvernig var í tíma áðan. Sko smá persónulýsingar fyrst, kennarinn sem var að kenna er steingervingur (oft kölluð daman) sem á ekki heima í kennslu, hún titrar og skelfur greyið þegar hún talar og segir ekkert meira en stendur í bóknum. Sævar er voða mikið gæðablóð sem gerir ekki flugu mein en hann er feimnari en allt feimið og vill ekkert láta á sér bera. Sem sagt, bekkurinn var í verklegum tíma hjá frú steingerving og var að skoða hné, daman var að sýna eitthvað á Sævari og allir eru að horfa. Hún er oft svoldið gribbuleg greyið þannig að hún rífur greyið úr sokkunum og hendir þeim aftur fyrir sig, þá vill ekki betur til en það er opinn gluggi fyrir aftan hana og annar sokkurinn flýgur út um gluggann. Bekkurinn náttúrlega tryllist úr hlátri og daman hristist og skelfur eins og hrísla. Einhver í bekknum kallar á Sævar að halda sig í buxunum svo þær fjúki nú ekki út um gluggann líka og liðið tryllist ennþá meira. Æ ég get nú ekki annað en vorkennt dömunni smá að hafa lent í þessu en vildi að ég hefði verið þarna, ég hefði grátið úr mér augun =)
posted by Sibba at 12:59 e.h.
|
~|=|~
þriðjudagur, september 09, 2003
Humm, síðasta blogg byrjaði og endaði á ófögrum orðum =(
posted by Sibba at 7:55 e.h.
|
~|=|~
Andsk vesen, var búin að skrifa fullt en svo bara fór allt í fokk. Er bara veik heima í dag og lét mér leiðast, er bara búin að sofa í allan dag og vaknaði bara seinni partinn um kl 3. Er með hálsbólgu, hita og þvílíkt mikið kvef. Er ekki alveg að hafa tíma í svona vesen þessa dagana, missti nú held ég ekki neitt mikið úr skólanum í dag bara 4 tíma og er nokkuð viss um að mín yndislegu bekkjarfélagar hafa tekið handout fyrir mig og glósað sem aldrei fyrr =) Verð að komast á morgun - langur dagur frá 8-5 og svo erum við að fara að hittast hjá Jónu nokkrar stelpur sem vorum alltaf saman í grunnskóla kl 8 og ég var búin að lofa að koma með ostasalat og heitann rétt svo ég verð að komast. Ég nota svo bara helgina í að jafna mig af flensunni!! Meira hvað manni er annt um heilsuna, gefur sér aldrei tíma til að vera veikur og er þess vegna slappur alveg helmingi lengur en maður þyrfti að vera, ansk vesen.
posted by Sibba at 7:53 e.h.
|
~|=|~
|
