|
mánudagur, janúar 24, 2005
Bara nokkrir dagar........
......í dag eru bara þriðjudagur, miðvikudagur, fimmtudagur og svo föstudagur þar til við fáum nýja húsið afhent.......
Við erum búin að vera ansi dugleg að pakka niður og nánast allt að verða komið í kassa, ég er sko mjög fegin dugnaðnum í mér að hafa byrjað að pakka niður í fyrra því það er ekki alveg tími hjá mér að standa í þessu núna. Þetta verður gaman!
BSið gengur bara fínt, fengum allt samþykkt hjá Vísindasiðanefnd og þvílík fegurð sem felst í eftirfarandi orðum
.........Eftir að hafa farið yfir umsókn þín og innsend gögn sér Vísindasiðanefnd ekki ástæðu til að gera athugasemdir. Rannsóknaráætlunin er því endanlega samþykkt........
verður ekki öllu fallegra! Stefnan er að fara með fyrra hollið af spurningalistum vonandi í lok þessarar viku og svo restina í næstu viku, vonum bara að skólayfirvöld verðir samvinnufús ;) Ef allt gengur að óskum þá verðum við komnar með ca 400 svaraða spurningalista og við tekur ómæld vinna við að pæla í þeim! En þessa dagana erum við barasta að lesa haug af greinum og koma einhverju gáfulegu niður á tölvuskjáinn.
posted by Sibba at 4:26 e.h.
|
~|=|~
laugardagur, janúar 15, 2005
Allt að gerast
Í dag munu vera 14 dagar í afhendingu á nýja húsinu - já börnin góð þessir mánuðir síðan við keyptum hafa svo flogið áfram. Við erum nú bara orðin nokkuð spennt og kössunum á heimilinu fjölgar nokkuð jafnt og þétt. Við höfum kippt með okkur kössum úr B&L og einhverra hluta vegna eru þeir flestir merktir Renault. Ekki veit ég nú hvort Runó bilar meira en hitt (Nokkuð ljóst að Land Rover bilar ekkert!) en það er allavega staðreynda að 9 af hverjum 10 kössum hér eru Runó og alveg einstaklega margir eru utan af smur- eða loftsíum.
Við fórum í leiðangur í dag til að versla okkur ljós í forstofuna, við ætlum í pínu framkvæmdir þar (skipta um flísar, laga veggina og loftið og setja ljós í veggina niður við gólfið) og áttum enn eftir að finna okkur skapleg ljós. Ég er ekki frá því að þetta sé með sögulegri búðarferðum. Við þræddum ljósabúðirnar og fengum nú alveg hreint fínustu þjónustu í þeim öllum nema í einni búð sem ég vil nú ekki nefna á nafn hér en skal með glöðu geði segja öllum sem vilja vita. Við komum þar í sakleysi okkar og spurðum um halogen ljós til að fella inn í vegg til að lýsa niður á gólf (svona eins og eru til í flestöllum ljósabúðum) Byrjar þá afgreiðslumaðurinn sem var á besta aldri að tuða um að svona ljós séu ólögleg og séu bara hvergi til, við sögðum honum þá að þetta væri nú í nánast hverri búð en þar við sat - við vorum vitlaus og lögbrjótar og smá saman hækkaði rómurinn og við fórum út með öskrin í eyrunum og vantaði bara lögguna á hælana til að fara í allar búðir og sópa út ólöglegu ljósunum!!! Ekki voru hremmingar okkar búnar þann daginn - leiðin lá svo í BYKO þar sem við vissum af ansi snotrum ljósum. Rétt eftir að við komum í BYKO þá var kallað í hátalarakerfið og beðist afsökunar á bilun í tölvubúnaði í afgreiðslukössunum og smá saman mynduðust heillangar raðir við kassana. Við héldum að þetta myndi nú leysast fljótt og vel og röltum bara aðeins lengur um að skoða en fórum svo í röð að bíða. Hægt gekk það en loks komumst við þó að kassanum þar sem ung stelpa var að afgreiða. Á undan okkur var kona að versla eitthvað smotterí sem hún borgaði með VISA, stelpan spyr hvort hún vilji fá nafn á nótuna (sem btw var handskrifuð því allt var lamað) en konan svarar pent að hún vilji bara fá að borga þetta og komast út og hana nú - stúlkukindin þreif af henni kortið og renndi í gegn og var greinilega orðin eitthvað þreytt og pirruð á pirruðu fólki sem var búið að standa í röð í hátt í klst. Það endaði svo með því að allt brast og við vorum afgreidd af skælandi stúlkunni.
posted by Sibba at 6:00 e.h.
|
~|=|~
fimmtudagur, janúar 06, 2005
Síðasti í leti......
....því á morgun tekur BS við. Það er víst kominn tími til að fara að liggja yfir öllum greinunum og fara að skipuleggja almennilega hvernig við ætlum að framkvæma rannsóknina - verður spennandi og skemmtilegt.
Annars fór ég og verslaði flísar áðan, okkur leist ansi vel á flísar sem við fundum í Álfaborg, eru voða látlausar og fínar. Þá erum við nokkuð vel sett nema okkur vantar enn ljós í forstofuna. Þurfum helst að hafa það allt tilbúið svo við getum gert sem mest áður en við flytjum inn. Veit bara ekkert hvar maður fær flott halogenljós í vegg niður við gólf!!!
posted by Sibba at 4:34 e.h.
|
~|=|~
miðvikudagur, janúar 05, 2005
Gleðilegt nýtt ár og takk fyrir það gamla
Ágætis ár að baki og vonandi verður það nýja enn betra, amk verður nóg að gera og um nóg að hugsa. BS-verkefni, 25 ára afmæli, flytja, hugsa um vinnu, útskrift og svo lifa lífinu og njóta líðandi stundar!
Við erum búin að fara í allar flísabúðir bæjarins nokkrum sinnum og erum alveg að fara að komast að niðurstöðu, vorum komin með prufur af 12 gerðum heim og erum búin að fækka niður í 5 - 1 kemur sérstaklega sterk inn en þetta er enn í meltingu.
Við höfum svo verið að horfa í kringum okkur á sófa og borðstofudót og duttum loks niður á sófa sem okkur lýst ansi hreint vel á og lögðum inn pöntun á svoleiðis. Ekkert bólar hins vegar á skaplegu borðstofudóti, fundum fína stóla en ekki hentugt borð. En það liggur hins vegar ekkert á svo þetta er allt í góðum gír!
Það er búið að redda MP3 spilaranum - Einar bró sat yfir þessu og fann svo hvað var að. Það er víst þannig með lögin af tonlist.is að það er ekki hægt að koma þeim á MP3 spilara, en það var amk okkar niðurstaða - frekar fúlt finnst mér!
posted by Sibba at 3:54 e.h.
|
~|=|~
|
