...vinir...
Aldís
Birna
Gímald, Latzi og Jenni
Guðný
Jóna
Kristín
Lubba og Gulli
Svöluspjall
Þóra KR.

...tíkin...
úlfamyndir

...ljósmyndun... Áhugaljósmyndarar
Ljósmyndarinn

...matargatið...
Eldhúsið
Matarlist
Himnesk hollusta

...38"...
Trukkurinn

...myndir...
London I
London II
Nokkrar myndir
Fleiri myndir

...sitt af hverju...
Mogginn
Jákvæðni
Bærinn
Sjúkraþjálfun
Skólastrákur

...gamalt bull...
05/01/2003 - 06/01/2003
06/01/2003 - 07/01/2003
07/01/2003 - 08/01/2003
08/01/2003 - 09/01/2003
09/01/2003 - 10/01/2003
10/01/2003 - 11/01/2003
11/01/2003 - 12/01/2003
12/01/2003 - 01/01/2004
01/01/2004 - 02/01/2004
02/01/2004 - 03/01/2004
03/01/2004 - 04/01/2004
04/01/2004 - 05/01/2004
05/01/2004 - 06/01/2004
06/01/2004 - 07/01/2004
07/01/2004 - 08/01/2004
08/01/2004 - 09/01/2004
09/01/2004 - 10/01/2004
10/01/2004 - 11/01/2004
11/01/2004 - 12/01/2004
12/01/2004 - 01/01/2005
01/01/2005 - 02/01/2005
02/01/2005 - 03/01/2005
03/01/2005 - 04/01/2005
04/01/2005 - 05/01/2005
05/01/2005 - 06/01/2005
06/01/2005 - 07/01/2005
07/01/2005 - 08/01/2005
08/01/2005 - 09/01/2005
09/01/2005 - 10/01/2005
10/01/2005 - 11/01/2005
11/01/2005 - 12/01/2005
01/01/2006 - 02/01/2006
02/01/2006 - 03/01/2006
03/01/2006 - 04/01/2006
05/01/2006 - 06/01/2006
08/01/2006 - 09/01/2006
09/01/2006 - 10/01/2006
10/01/2006 - 11/01/2006
11/01/2006 - 12/01/2006
12/01/2006 - 01/01/2007
03/01/2007 - 04/01/2007
09/01/2007 - 10/01/2007

Credits
Blogger
Blogskins


sunnudagur, febrúar 29, 2004

...........lærdómshelgi........
Já loksins er mér að takast að vera svoldið dugleg að læra heila helgi, er búin að vera voða dugleg að lesa lungnasjúkdómana sem ég hata meira nú en áður, er að spá í að skipta yfir í hjartasjúkdómana áður en ég kveiki í áðurnefndum sjúkdómsglósum!
Annars fórum við að sjá 5 stelpur.com í gær, það var bara alveg rosalega gaman og við mælum alveg með því að fara og sjá þetta. Það er alveg rosalega langt síðan ég hef komið inní Austurbæ, var bíó þá sem ég get ómögulega munað hvað hét. Það var svoldið skrýtið að vera að sjá leiksýningu og allir með bjór og nammi, frekar líbó staður miðað við fínu leikhúsin þar sem kjóll og hvítt er nánast skilyrið fyrir aðgangi!
Jæja best að halda áfram með lærdóminn, merkilegt hvað maður er ótrúlega duglegur við að blogga, taka til, skoða netið, kíkja í föndur- og blómabúðir með múttu og láta sig dreyma um allt það skemmtilega sem mann langar til að gera einmitt þegar bækurnar kalla :D


posted by Sibba at 11:53 f.h. |

~|=|~


föstudagur, febrúar 27, 2004

......tíminn líður hratt.......

Þessi vika er alveg búin að fljúga áfram, kannski sem betur fer því ég skilaði leiðinlegasta verkefni ever í dag. Ég meina, ég fór ekki í sjúkraþjálfun til að skrifa enska stíla, reikna tölfræði, skoða kenningar eða líkön og pæla í félagsfræði! En svona er lífið.
Horfði á nokkrar mínútur af brúðkaupi aldarinnar hjá Tristu og Ryan, þvílík og önnur eins ógleðivaldandi stund. Það hlýtur að vera voða rómantískt að gifta sig í garðyrkjustöð með prestinn gargandi í eyrun til að yfirgnæfa þyrlurnar sem sveima yfir! Mér fannst eins og ég væri að horfa á beina útsendingu frá náttúruhamförum, dynjandi hljóðin í þyrlunum og kynnirinn kom reglulega og tilkynnti að nú væri von á brúðgumanum................og nú er von á brúðarmeyjunum....................og nú er von á börnunum................og nú er von á brúðurinni, og á milli þess koma auglýsingar. Kannski ég nýti mér þessa hugmynd ef ég gifti mig einhverntíman að hafa svona auglýsingahlé, get örugglega samið við einhver tryggingafélög, bílaumboð og fasteignasölur um að styrkja herlegheitin. Hef bara myndvarpa og tjald fyrir auglýsingarnar í staðin fyrir altaristöfluna! Svo er náttúrlega möst að hafa 90.000 rósir í kring..........tala bara við rósabónda um að hann auglýsi og presturinn verður svo í boði einhvers líka! Vitleysa!
Svo er farið að styttast ískyggilega í prófin, ekki nema tvær vikur í fyrstu prófin og svo er allt búið eftir fjórar vikur og verknámið skollið á! Þarf að gera slurk í lærdóm þessa helgina og rúlla yfir sjúkdómafræðina, það á eftir að taka mig heila eilífð að lesa yfir fja..... lungnasjúkdómana sem mér er meinilla við og langar mest að kveikja í glósunum og turna þeim í ösku!


posted by Sibba at 2:40 e.h. |

~|=|~


sunnudagur, febrúar 22, 2004

Rólegheita helgi

Helgin er bara búin að vera fín. Horfði á Maid in Manhattan í gær, ágætis ræma en ekkert ógurlega spes samt. Var svo bara að dunda við þvottinn og þvottavélina ásamt því að glápa á imbann og gera ekki neitt. Fór svo góðan rúnt á kagganum sem B & L lánaði mér svo drottningin yrði nú ekki bíllaus um helgina. Fékk lánað þetta forláta landbúnaðartæki að nafni Land Rover Discovery, virkar bara vel en vantaði alveg hitann í sætin og topplúgurnar. Undarlegt eftir að vera búin að keyra Krúsa í heilt ár að keyra jeppa þar sem ég þarf ekki að halda mér í til að detta ekki oní holuna í bílstjórasætinu í kröppum vinstri beygjum =D Ég er ekki vön svona lúxus!!! Svo ég gleymi nú ekki fjarstýrðu samlæsingunum ó mæ.
Annars er ferðinni heitið í heimsókn til gamla settsins til að gúffa í sig nokkrar bollur, þess má svo geta að bolludagurinn er einmitt þjóðhátíðardagurinn hennar Lindu sem er með mér í bekk =)
Annars er ég orðin svo ógeðslega kvefuð að það hálfa væri bara alveg nóg, ég er búin að hnerra svona áttahundruð sinnum í dag og er ekki hætt ennþá!! Nenni ekki að standa í svona kvefveseni núna.
Er að reyna að gera barnasjúkraþjálfunarverkefni, er að lesa grein um styrktarþjálfun CP krakka og á svo að bulla eitthvað gáfulegt um hana. Bara frekar leiðinlegt sko! Kannski ég fari bara á rúntinn og svo beint í bollur =D


posted by Sibba at 1:33 e.h. |

~|=|~


föstudagur, febrúar 20, 2004

Loksins loksins búin að skila hjartaverkefninu og daddaraddadaaaa búin með hópæfingarnar líka!!! Ekkert smá gott að vera búin með 2 af 3 stæðstu verkefnum annarinnar. Hópæfingarnar gengu bara vel og allir sáttir við æfingarnar mínar. Ég ætlaði svo aldeilis að njóta þess að slappa af í gærkvöldi og dró kallinn á Stylinn sem var bara gott en svo eyddum við 2 klst í að bóna bílinn hjá Einari bróðir sem við erum búin að vera með í mánuð af því hann er búinn að vera úti í Kanada, ekki mín uppskrift að afslöppunarkvöldi sko en ég var þó að gera eitthvað annað en að læra á meðan sem var bara gott. Svo er kallinn að fara í sumarbústað um helgina með vinnunni, verður væntanlega fyllerísferð (eða ætti ég að segja þynnkuferð =D) ég þarf að vera heima að lesa svo ég fer ekki langt því miður. Verður samt gott að vera heima eina helgi og læra smá og slappa af inná milli og gera eitthvað skemmtilegt, kíkja í ræktina eða eitthvað! Annars var ég rosa hetja áðan og setti inn myndir frá árshátíðinni, það er eiginlega flestar myndirnar af mér, Elvu, Halldóru, Birnu og Sævari. Það er vegna þess að þetta kvöld vorum við öll makalaus og tókum þessvegna einn enda borðsins fyrir makalausa endann. Svo gekk myndavélin okkar á milli og tókum myndir af hvort öðru =D Annars bara fínar myndir sko!!!


posted by Sibba at 7:01 e.h. |

~|=|~


mánudagur, febrúar 16, 2004

Helgin búin að skólinn tekinn við aftur. Það var alveg hörkustuð á árshátíðinni, ég sé sko alls alls ekki eftir að hafa farið. Maturinn var rosa góður og skemmtiatriðin líka, samt frekar fúlt að það tókst ekki að sýna okkar atriði því tölvan sem var þarna vildi ekki spila diskinn með atriðinu á, við verðum bara að horfa á það síðar. Svo var bara dansað og djammað frameftir nóttu. Þjónarnir sem voru að vinna þarna voru frekar miklir verkir í rassi því það var sko bannað að koma með áfengi og það var ekkert smá vel fylgst með. Maður náði varla að hugsa um að reyna að hella í glasið þá var öllinn bara horfinn!! Óþolandi pakk. Við Halldóra skoruðum svo á hvor aðra að draga kennara út á gólfið, ég tjúttaði með Tóta tölfræðikennara og hún með Árna íþróttasjúkraþjálfunarkennara, það var hörkustuð og við tókum þetta með stæl............enda nokkuð vanar dansgólfinu =D
Annars er ég núna á fullu að gera fja....... tölfræði verkefni og svo erum við Halldóra að reyna að hafa það af að gera hjartaverkefni sem við eigum að skila 8:15 á fimmtudagsmorguninn þannig að..........................ég get ekki sett inn neinar myndir fyrr en þá, so sorry, bara bíða spennt :-)


posted by Sibba at 9:17 e.h. |

~|=|~


laugardagur, febrúar 14, 2004

Árshátíð í dag

Klukkan er fimm á laugardegi og ég er á leiðinni á árshátíð FNÍS, er loksins komin í djammgallann og búin að setja upp djammgrímuna =) Ætlaði nú ekki að fara þetta árið en sökum hópþrýstings þá lét ég undan, mig langar líka svo til að sjá atriðið sem við erum búin að vera að gera, verður gaman að sjá sjálfa sig á hvíta tjaldinu þrátt fyrir að ég myndist nú vanalega alveg óheyrilega illa!! Annars er ég að bíða eftir að Halldóra komi og pikki mig upp, þaðan förum við til Birnu í smá forpartý og þaðan í Ólafar í annað partý, þaðan er svo haldið í Hafnarfjörðinn þar sem gleðin verður. Þetta verður örugglega alveg hörkugaman. Ég ætla að taka cameruna með og hvur veit nema maður smelli nokkrum.

Skál í boðinu!!!!!


posted by Sibba at 5:04 e.h. |

~|=|~


miðvikudagur, febrúar 11, 2004

Og í dag snýst Ísland um lýtaaðgerðir. Ríkey var rétt í þessu í botox sprautum í andlit í sjónvarpinu, jiiiiiiiiii hvað ég hata sprautur. Alveg ótrúlegt hvað er búið að auglýsa þessa lýtaaðgerðir sem hún Ruth Reginalds er að fara í. Mér finnst nú ekki vera hægt að líkja þessu við Extreme makeover, meirihlutinn af fólkinu þar er virkilega með lýti og maður finnur nett til með fólkinu og þurfa að líða fyrir þessa galla sýna. Ég get hins vegar hvorki séð eitthvað að Rut né Ríkey sem réttlætir það að þær séu í sjónvarpinu öll kvöld að sýna sig. Það er bara greinilegt að það er ekkert að gerast í þjóðfélaginu. En hver ætli borgi fyrir allan pakkann hjá þeim mæðgum? Væri kannski réttlætanlegra að eyða þessum peningum í eitthvað gáfulegra því þetta er sko alveg örugglega ekki gefins.
Annars fórum við Bjarturinn með tölvuna góðu í Tölvulistann áðan. Það var búið að lofa okkur nýju batteríi í græjuna því það er dáið. Bjarturinn hringdi og þá var bara 3 mán ábyrgð svo það var dottið úr ábyrgð, svo var hringt aftur og þá var það komið uppí 1 ár, svo þegar við vorum mætt á staðinn þá skyndilega var engin ábyrgð því talvan er eldri en 1 árs en samt áttum við að fá nýtt því sá sem sagði að ábyrgðin væri í 3 mán var ljúgari og það átti að bæta okkur það upp. Þetta ljóta fyrirtæki er gjörsamlega að skíta á sig þessu og við fúl og pisst. Ég verð nú samt að viðurkenna að ég átti bágt með mig þegar Bjarturinn var að ergja sig við afgreiðslumanninn, það gerist svo sjaldan að hann verði virkilega reiður að þá sjaldan þá bara bregður mér og ég fæ hláturskast =) Bráðavaktin er byrjuð - heilög stund!


posted by Sibba at 8:12 e.h. |

~|=|~


þriðjudagur, febrúar 10, 2004

Ógleðisdagar

Já svona er lífið skemmtilegt, Bjarturinn fór heim úr vinnu í gær af því honum var svo óglatt (er óléttur af þríburum) og svo er mér búið að vera þvílíkt óglatt í allan dag (er hvorki ólétt af einu eða fleirum). Ég hafði það nú samt af að fara inn á Grensás og horfa á MS sjúklinga í sundleikfimi, langaði nú ekkert að vera þar hálfgubbandi en af illri nauðsyn lét ég mig hafa það. Er nú ekki með samvisku yfir að hafa skrópað í þrem sjúkdómafræðitímum, enda sjaldnast gaman í svoleiðis og þá sérstaklega ekki í lungnasjúkdómum. Fékk nokkur sms um að ég væri að missa af stórskemmtilegum bröndurum hjá lungnakallinum og ef ég þekki mig rétt þá hefði ég verið búin að teikna út allar glærurnar og verið fussandi og sveiandi af leiðindum - þetta er sko eini tíminn sem ég eyði í listræna hæfileika sem eru af skornum skammti hér!!


posted by Sibba at 2:16 e.h. |

~|=|~


sunnudagur, febrúar 08, 2004

Þá er enn ein helgin búin, ótrúlegt hvað tíminn líður eitthvað hratt þegar maður er bara heima að dóla sér. Einn dagur á fjöllum jafnast einhvernvegin á við nokkra daga frí svo þessar venjulegu helgar eru eitthvað svo miklu minna frí, enda snýst tíminn bara um bækurnar, þvottavélina og þess háttar heimilisstörf. Ég tók mig nú til í dag og fór í heljarins gönguferð. Labbaði hringinn í kringum Elliðavatnið, ég var í ca 1 1/2 tíma svo var nú eitthvað lengri tími en ég ætlaði í fyrstu. Svo var alveg slatti snjór þannig að ég komst helmingi hægar en annars. Þar fyrir utan var snjór yfir göngustígnum sem liggur hringinn þannig að til að villast ekki mikið þá labbaði ég veginn sem er svoldið mikið lengri leið en stígurinn. En ég hafði þetta af og hafði gaman að. Mikið öfundaði ég fólkið sem var á hestbaki og fólkið sem var á röltinu með hundinn sinn, urrrrr allt sem mig langar í, þeir draumar fá að rætast síðar. Þess má svo geta að mælirinn í bílnum sýndi -9° svo ég er enn meiri hetja að hafa lagt þetta á mig =) Mér datt svo í hug að draga Jónu með á skauta á tjörninni í dag en þá var hún að baka marengs!! Aldeilis myndarlegri húsmóðir heldur en ég, þetta geri ég nú bara við sérstök tilefni!! Mér fannst alltaf alveg rosa gaman að fara á tjörnina þegar ég var lítil svo það verður gaman að rifja upp þessar minningar síðar, það á víst að fara að rigna á morgun og gera hundleiðinlegt veður svo tjörnin verður varla skautafær á næstunni.


posted by Sibba at 9:58 e.h. |

~|=|~


laugardagur, febrúar 07, 2004

Loksins komin helgi, er búinn að vera ansi löng vika. Bjarturinn fór í jeppaferð í gær - föstudagskvöld - og kemur aftur heim í kvöld, fór með einhverjum strákum í Landmannalaugar og svo einhvern rúnt á heimleiðinni. Ég nennti ekki með í þetta sinn, var í staðinn heima til að vera dugleg að læra til að vinna mér inn fyrir komandi jeppaferðum =) Er nú búin að vera nokkuð dugleg sko, er búinn að lesa helminginn af efninu sem búið er að fara yfir í hjartasjúkdómunum og ætla að klára hinn helminginn á eftir, ætla svo að reyna að komast yfir megnið af hjartasjúkraþjálfuninni líka. Verð bara sátt þegar ég er búin að þessu, við Halldóra erum að fara að gera verkefni í hjartasjúkraþjálfun og til að það taki nú sem styðstan tíma þá er gott að vera búin að renna yfir þetta dót. Ég tók mér nú samt pásu og horfði á Legally blonde 2 á DVD, er nú óttalega þunn en samt ágætis afþreying. Manneskjan sem þýddi myndina hefur eitthvað misst sig í að íslenska alla hluti eða amk hef ég aldrei séð hörbalæf skrifað á þennan máta áður!


posted by Sibba at 4:17 e.h. |

~|=|~


miðvikudagur, febrúar 04, 2004

Endalaus leti!!!!
Letin er bara alveg að fara með mig þessa dagana, nenni bara ekki neinu. Við Linda vorum einmitt að tala um í dag að það er bara ekkert skemmtilegt við skólann þessa önnina, bara nákvæmlega ekki neitt. Kennararnir eru leiðinlegir, kvenkynskennararnir öskra bara og kallarnir svæfa mann. Eina fagið sem átti að vera skemmtilegt - liðlosun - er barasta ekki skemmtilegt, kennarinn er svo væmin greyið og er ekki að segja neitt nema það sem stendur í bókinni!
Jói Fel er í 70 mínútum núna, það eru engir smá bicepsar á manninum, eru allir bakarar svona? Enda sýnis mér honum ekki leiðast þessi stærð á upphandleggjunum. En mikið agalega er hann Pétur Jóhann lítill við hliðina á Jóa Fel. En mikið vildi ég að ég hefði séð Pál Óskar gúffa í sig matskeið af kanel, það hefur örugglega verið skondið :D


posted by Sibba at 10:43 e.h. |

~|=|~


sunnudagur, febrúar 01, 2004

Sunnudagskvöld og chill í gangi. Vorum í kökum og fínerí á efri hæðinni áðan því húsbóndinn er 25 ára í dag og til hamingju með það kallinn minn!!! Við fórum í alveg ótrúlega skemmtilega jeppaferð á laugardaginn á Eyjafjallajökul, Fimmvörðuháls og á Mýrdalsjökul. Þetta var alveg ein sú allra skemmtilegasta ferð sem ég hef farið í og ég held að ég hafi barsta sjaldan séð fallegra útsýni, eitthvað af því komst á stafrænt form en sökum gæða myndavélarinnar eru þær ekki eins góðar og það sem augað sá. Það er alveg á hreinu að á þennan stað verður farið aftur fyrr en síðar.


posted by Sibba at 9:25 e.h. |

~|=|~