|
þriðjudagur, júlí 29, 2003
Jæja nú hef ég verið löt að setja inn eitthvað bull síðustu dagana. Fór í púttferð með gamla liðinu úr vinnunni áðan, það var bara þrælgaman fyrir utan það hvað var ógeðslega kalt og bara algjört skítaveður. Mínu fólki gekk annars bara sæmilega, þau voru nú ekki ánægð með gengið en svona er þetta bara. Það er oft svo gaman að fylgjast með þeim, þetta er stundum eins og á leikskóla þegar einhver verður ósáttur og fer að tuða. "Tvisvar verður gamall maður barn" segir einhverstaðar og það eru sko orð að sönnu.
Nýjar fréttir úr garðinum =) búin að henda úr pottinum sem pöddurnar voru komnar í, var sko ekki farið að lítast á þetta, blöðin voru hætt að vera græn og bara orðin hvít af pöddum ullabjakk svo ég bara henti öllu saman og fór með pottinn aftur til mömmu.
Ég sá í tíufréttunum í gærkvöldi að það er óvenjumikið af köngulóm á suðurlandinu núna og með fylgdi mynd af svörtu og gulu kvikindi hangandi í vef og með alltof margar lappir. Ég ætti nú að plata köngulóahrædda manninn minn með mér í útilegu á köngulóaslóðir, það myndi aldeilis vekja lukku. Ég var að sópa svalirnar um helgina og þá kom ein falleg hlaupandi á móti mér, ég stakk hausnum inn um svalahurðina og sagði Bjart að koma og sjá. Hann kom og leit út á svalirnar og ég benti honum á hana þar sem hún var að æfa spretthlaup fram og til baka á svalagólfinu. Skyndilega heyrðist hvinur í lofti og ég leit á hurðina, þá skyndilega var hún lokuð og læst og drengurinn allveg á milljón að draga fyrir sólargardínur og aðrar gardínur og hvarf svo á bakvið sófann. Mér var hleypt inn stuttu seinna þegar ég var búin að henda köngulónni út í garð og skúra og bóna svalirnar svo örugglega væru engir ættingjar eftir.
Talandi um pöddur þá er geitungabú heima hjá mömmu og pabba, það er undir þakskegginu þannig að til að ná í það þá þarf að taka niður spítur úr þakskegginu. Til að toppa staðsetninguna þá er búið beint fyrir utan dyrnar sem liggja út í garðinn. Pabbi vildi nú fyrst ekki sættast á það að það væri geitungabú þarna þrátt fyrir að heilu ættbálkarnir tækju flugið fyrir framan nefið á honum en hringdi samt á meindýraeyði sem kom og dældi einhverju eitri þarna inn. Þegar kallinn var að kveðja spyr pabbi hvort hann meigi nú ekki bara fá smá eitur í brúsa!!! Það var lítið mál þannig að nú situr pabbi úti í garði með eitrið í úðabrúsa og úðar á greyin þegar þau taka útsýnisflugið sitt. Flugurnar eru svo samviskusamlega týndar í ABT-mjólkur döllu og henni haldið til haga á góðum stað. Hann sýndi mér stoltur um daginn afurðir dagsins sem var botnfylli í dollunni góðu. Ég kíkti svo við hjá þeim í gærkvöldi og þá sat kallinn óvenju spenntur fyrir framan imbann og glápti á "killer bees" í rúvinu. Æ það er gott að eiga sér áhugamál, Bjartur getur kannski ráðið hann í köngulóaleitir, verst hvað hann verður lengi að ná botnfylli í dolluna því þær eru svo litlar greyin!!
posted by Sibba at 4:56 e.h.
|
~|=|~
mánudagur, júlí 14, 2003
Æ það er nú óskup fátt að gerast hjá mér núna. Slæmu fréttirnar eru þær að það eru komnar einhverjar pöddur í einn af blómapottunum mínum úti á svölunum, þær eru akkúrat í pottinum sem mamma lánaði mér og hefur vaxið minnst í. Það fylgir greinilega einhver illur andi þessum potti sem álfarnir mínir hafa ekki ráðið við, kannski ég skelli tveim álfum í hann og sjái hvað gerist. Kannski minnka blómin og verða álfablóm!! Nema pöddurnar séu álfapöddur og eftir nokkrar vikur verði allt fullt af litlum álfum sem urðu til af fjandans pöddunum!!! Það verða að vera góðar fréttir á móti slæmu fréttunum. Góði punkturinn fer til 66°N sem er með fína útsölu í Skeifunni, það er að segja fyrir þau okkar sem passa í absúrd stærðir, öll kvenna fötin eru í XS og S sem kemur sér stundum vel fyrir mig nema þegar ég fer í Zöru því þar passa ég ekki í XL og fer yfirleitt út með skeifu sem lafir lengra en spikið sem veldur skeifunni!! Við hjúin gerðum bara fínustu kaup á þrennum buxum sem kostuðu samtals jafnmikið og einar buxur sem voru í hinum enda hússins ekki á útsölu. Það er svona þegar koma nýjir litir þá fara gömlu á útsölu, mjög gott mjög gott.
Annars sit ég bara uppi í sófa og er búin að vera þar síðustu 5 klst, fór heim úr vinnunni með túrverki frá helvíti og lagðist í sófann með Bóbó bangsa og saman horfðum við á Bridget Jones diary, ég í örugglega 15 skipti en Bóbó í fyrsta skipti. Sá mikið eftir að hafa ekki tekið Notting Hill upp þegar hún var í TV um árið því það hefði verið svo tilvalið að glápa á hana líka, redda því bara í næstu endursýningu, efast ekki um að ruvið standi sig í að sýna hana svona 300 sinnum næstu árin enda snilldarmynd
posted by Sibba at 6:30 e.h.
|
~|=|~
miðvikudagur, júlí 09, 2003
SPIRIT is your chinese symbol!
What Chinese Symbol Are You?
brought to you by Quizilla
posted by Sibba at 8:19 e.h.
|
~|=|~
sunnudagur, júlí 06, 2003
Það er langt síðan ég hef átt jafnmikla leti helgi og þessa, er bara búin að vera að setja í þvottavélar og taka til og þessháttar, svona þessi tybisku "konustörf" eins og einhver kallaði þetta. Vann mér það nú samt til afreka að kítta í kringum sturtuklefann minn, það er svona þegar maður verður þreyttur á að bíða eftir að kallinum henti að gera hlutina, bara best að redda þessu sjálf, það verður svo spennandi að sjá hvort að þetta sé nógu vel gert hjá mér. Ég tók mig bara nokkuð vel út við þetta en Bjarturinn er samt með betri skoru í svona störf það er engin spurning um það!!!!
Annars kíkti ég í Garðheima og ætlaði að kaupa blóm á svalirnar af því það var verið að auglýsa útsölu á sumarblómum þar, blómin voru svo hryllilega dauð og illa útlítandi þar að ég fór nú bara beinustu leið út aftur. Þetta lið ætti að skammast sín að vera að auglýsa útsölu á dauðu grasi!! Þannig að ég fór bara í Storð og verslaði þar þessa fínu Nelliku og svo gaf mamma mér bút af Tóbakshorni svo það fjölgaði heldur betur á svölunum í gær, komnar 4 tegundir í stað 2. Svo það er heldur betur orðið vistlegt á svölunum, meiraðsegja Bjartur er bara nokkuð hrifinn af þessu framtaki mínu.
Það fór illa fyrir flughátíðinni hans Bjarts, alls ekkert flugveður í dag því það er allt of hvasst. Æ það er leiðinlegt að vera búin að eyða fullt af tíma og veseni í þetta og svo verður ekkert úr þesssu. Hann tjáir sig kannski um þetta síðar vinurinn. En ég verð nú samt að lýsa gleði minni yfir að vera laus við flugvélarnar úr íbúðinni í nokkrar klukkustundir, frekar leiðinlegt að vera að ryksuga og þrífa í kringum þetta dót og það yrði víst engin almenn gleði í höllinni ef drottningin myndi skemma eitthvað fyrir kónginum =)
Jæja ég ætla að halda áfram í konustörfunum, annars er einhver grillþáttur í sjónvarpinu þannig að ég er eiginlega farin að slefa ofan í lyklaborðið. Það er verið að grilla kjúling og lax og fleira fínerí, smjatt smjatt.
posted by Sibba at 3:03 e.h.
|
~|=|~
laugardagur, júlí 05, 2003
Jæja ég var að segja inn myndir frá Þórsmerkurferðinni, takk Dóri fyrir myndirnar sem þú sendir okkur, það eru nokkrar af þeim þarna =)
posted by Sibba at 4:08 e.h.
|
~|=|~
Við skelltum okkur í Þórsmörkina um síðustu helgi, fórum með nokkrum félögum og skemmtum okkur bara alveg rosalega vel. Bjartur stóð sig bara vel í drykkjunni, meiraðsegja svo vel að hann var drukkinn á milli þess sem hann svaf!! Hann svaf í ca 15 og drakk í hina 9, varð svo líka svona hrikalega þunnur greyið að ég vorkenndi honum bara, ég ætla að skella inn nokkrum myndum úr þessari ferð á eftir.
Það flughátíð hjá Flugmódelfélaginu Þyt á morgun og Bjarturinn er búinn að standa sveittur í undirbúningi þessa vikuna, er held ég bara búinn að skemmta sér nokkuð vel við það og svo er bara að vona að stóri dagurinn heppnist vel!!
Annars er ég bara búin að vera að vinna á fullu þessa vikuna, er samt búin að vera að drepast úr þreytu eftir Merkurferðina af því að ég svaf ekki jafn mikið og maðurinn =) Ætla svo bara að taka því rólega um helgina og reyna kannski að kíkja aðeins í skólabækur, ætla að vera dugleg að rifja upp líffærafræðina áður en skólinn byrjar aftur. Skólinn verður alveg hörku törn fram í miðjan október og þá eru próf svo það dugir ekki að vera að rifja upp líffærafræðina þá á meðan allt er á fullu. Annars er ég bara farin að hlakka til að byrja í skólanum aftur, það verður gaman að hitta alla krakkana aftur og byrja að lesa líka. Svo verður líka tilbreyting í að fara í verknám, ég er samt eiginlega hætt að kvíða því að fara í verknám því ég fæ að gera svo mikið í vinnunni. Átti ekki alveg von á því að fá að gera jafn mikið og ég fæ svo ég er mjög ánægð.
Við vorum að spá í því í gær hvert við ættum að fara um næstu helgi, mér datt í hug að kíkja í Kerlingarfjöll og reyna að rölta aðeins þar um. Bjarturinn keypti sér gönguskó á fimmtudaginn svo hann verður að vera duglegur að ganga þá til í vikunni. Annars væri ég líka til í að fara Kjöl en þá verð ég að keyra svo Bjartur geti verið tilbúinn í sundsprett í sundskýlunni með sundgleraugun.
posted by Sibba at 3:23 e.h.
|
~|=|~
Loksins loksins gat ég lagað þessa síðu, íslensku stafirnir voru að gera mig gráhærða langt um aldur fram.
posted by Sibba at 12:58 e.h.
|
~|=|~
|
