|
laugardagur, febrúar 26, 2005
Garðurinn og kisur
Við Bjarturinn kíktum aðeins í tiltekt í garðinum okkar í gær. Við vissum nú að hann væri fullur af hinum ýmsu dóti en meðal annars kom í ljós 4 óopnaðir bjórar, ca 30 bjórdósir, ca 10 sokkar, óteljandi sígarettustubbar, nokkrir sígarettupakkar, spennubreytir fyrir jólaseríu, nokkur ragettuprik og einhver kíló af hundaskít!! Jamm, hér bjuggu snyrtimenni mikil! Við þrifum svo gosbrunninn sem er fyrir aftan húsið en ætlum að bíða aðeins með hinn því hann er svoldið djúpur og því mikil vinna að ætla að tæma hann með skúringafötunni einni saman. Ekki er nú vitað hvenær þessi gosbrunnar voru þrifnir síðast en allavega var svona fjörustemning hjá okkur í gær slík var þaralyktin!
Bjarturinn kveikti svo á gosbrunnunum þegar hann fór út í morgun, svo þegar mér varð litið út í garð áðan þá sat lítil grá kisa á stein alveg við gosbrunninn og fannst hann ekkert smá áhugaverður. Minnti mig á Exotic Persa sem getur starað á bunu úr krana tímunum saman og fundist alveg hreint mjög áhugavert. Kisi litli fór svo að reyna að ná í loftbólurnar sem komu þegar vatnið lendir og fannst þetta hin besta skemmtun. Mér hefði bara verið skemmt hefði hann nú dottið oní. Minnti mig á köttinn hennar Svölu systir Bjarts sem drekkur ekki vatn úr vatnsdalli heldur úr baðinu!!!!!
posted by Sibba at 1:25 e.h.
|
~|=|~
þriðjudagur, febrúar 22, 2005
Elska þoku!!!
Já og held að ég sé ein af fáum bara!! Mér finnst þoka bara svo ótrúlega notarleg en það er kannski óþarfi að hafa hana í marga daga í röð sko. Þoka minnir mig alltaf á það sem ég las eða heyrði einhverntíman, að þegar stríðið var á Íslandi þá fannst öllum þokan svo yndisleg því þá gátu bretarnir ekki verið að fljúga yfir Reykjavík á meðan og þá var svona meiri ró yfir öllu.
Bjartur fór í bústað með vinnufélögunum síðustu helgi uppí Húsafell, ég nennti ekki með. Þeir kíktu svo í skottúr á Langjökul á laugardeginum og fengu þessa líka svörtu þoku á leiðinni til baka af jöklinum, allt fór þó vel. Bjarturinn kom svo heim á laugardagskvöldinu til þess að geta nú haldið konudaginn hátíðlegan með frúnni. Hann spurði hvort ég vildi fá morgunmat í rúmið en ég er nú lítið fyrir svoleiðis svo hann spurði hvað ég vildi fá í tilefni dagsins.........þannig að..........upp flaug ein gardínustöng og tvær fara upp í kvöld, tvö ljós ruku upp í herbergjunum og sjónvarpið í hjónaherberginu auk þess sem hann fór eina ruslaferð í Sorpu með pabba.......segið svo að maður nýti ekki svona tækifæri.......býst við að fá einn fífil á næsta konudegi......hann lærir örugglega af reynslunni þessi elska :D
Steingleymdi í síðasta bloggi að benda á nýjasta meðlim blogghópsins á síðunni, Brúnverjaspjallið er ansi góð síða sem Svala systir Bjarts heldur úti - spjall um lífið og tilveruna.
Ætla að stinga mér í fræðilegt krapp í BS
posted by Sibba at 3:02 e.h.
|
~|=|~
föstudagur, febrúar 18, 2005
Loksins blogg....
...jamm bara búið að vera nóg að gera síðustu vikurnar. Við Dóran erum búnar að vera ansi duglegar að vinna í BSinu, erum komnar með 262 svaraða spurningalista og þeir eru allir komnir á tölvutækt form dulkóðaðir að hætti DeCode. Erum svo bara nokkuð langt komnar með úrvinnslu á niðurstöðum, þ.e. á útreikningum en svo á eftir að setja þetta allt saman smekklega upp og útskýra á mannamáli. Við höfum smá verkaskiptingu í þessu þannig að ég er pínu meira í fræðilega hlutanum á þessu, uppsetningu, málfari og svo fæ ég örugglega að sjá um heildaruppsetninguna á þessu. Dóran er svo að brillera í útreikningum og þvílíkt og annað eins skipulag á þessu hjá henni - hún hefur greinilega lært sitthvað af partnernum hehe!!!!
Annars er allt gott að frétta úr Garðabænum og okkur líður alveg hreint stórvel hérna. Ekkert bólar nú samt á sófanum góða sem átti nú víst að vera til taks í dag skv. frúnni yndælu í sófabúðinni, en það liggur nú víst ekki mikið á þó ég sé orðin ansi þreytt á bergmálinu í stofunni og hún frekar tómlega. Það fer svo að styttast í gardínurnar, ég er farin að vorkenna nágrönnunum að þurfa að sjá inn til okkar. Ég er búin að bregða mér í nokkra göngutúra um hverfið og það er ansi gott úrval af göngustígum hér í kring, og aðeins um 5 mín labb á einn ansi hreint grinilegan sem liggur um hraunið á milli Garðabæjar og Hafnarfjarðar (sem Reykjanesbrautin liggur í gegnum) og nær alla leið uppí Heiðmörk. Svo er líka annar sem er fyrir neðan Mýrarhverfið og liggur fram með skítalæk Garðabæjar - mér fannst ég bara næstum komin í Kópavogsdalinn enda hefur maður nokkrum sinnum labbað meðfram skítalæknum þar sem er náttúrlegasta hreinasti skítalækurinn í bænum ;-)
Over and out - Idol kallar
posted by Sibba at 10:36 e.h.
|
~|=|~
sunnudagur, febrúar 06, 2005
Garðbæingar
Jamm við fluttum á fimmtudagskvöldið, þá var búið að brjóta niður einn vegg, loka fyrir annan og loka uppí göt í vegg í eldhúsinu og mála allt nema heimatilbúna þvottahúsið og eldhúsið. Þetta gekk allt eins og í lygasögu og tók bara ótrúlega stuttan tíma enda frábært fólk að hjálpa okkur. Forstofan verður geymd í nokkrar vikur þar til meiri tími er til. Við erum bara búin að koma okkur nokkuð vel fyrir og erum alveg rosalega ánægð og líkar mjög vel. Nágrannarnir eru algerar perlur og voða hress.
Best að hætta að slóra og hjálpa drengnum að mála þvottahúsið (eða þvottaskápinn eiginlega ;-)) og kannski við nennum að skella á eldhúsið í leiðinni.
posted by Sibba at 9:13 e.h.
|
~|=|~
|
