|
þriðjudagur, desember 28, 2004
Eitt af lögunum sem mér tókst að koma yfir á græjuna var "skyndislökun" eftir Friðrik Karlsson........mér hefði nú ekki veitt af því að geta spilað þetta þegar mest gekk á í geðvonskunni!
posted by Sibba at 10:51 e.h.
|
~|=|~
Fínasti nunnuþáttur á rúvinu núna - vona að enginn hafi misst af honum!!
Mér finnst alveg rosalega gaman að öllu svona tækjadóti og því flóknara því betra........nema.......þegar ég þarf að hafa fyrir hlutunum til að læra almennilega á þau! Ég fékk þennan líka fína MP3 spilara í jólagjöf - mér til ómældrar gleði og ánægju því mig langaði agalega í svona græju. Ég hafði það af að læra á hann og installa öllu dótinu af disknum sem fylgdi með til að koma lögum á hann, hafði það líka af að downloda heilum haug af lögum af tonlist.is á tölvuna til að troða á græjuna og vitiði hvað..................mér tekst ekki að breyta .wma formati yfir á .mp3 format...........hjálp!!!! Sem betur fer er útvarp í græjunni líka svo hún er ekki alveg óstarfhæf sökum kunnáttuleysis míns. En mikið óskaplega verð ég pirruð á svona hlutum, brothætta geðheilsan er á tæpasta vaði og ég held að nunnurnar í tv séu að biðja fyrir henni akkúrat þessa stundina, amk veitir ekki af því!
Annars fór ég í 2 klst gönguferð í dag í brjáluðum kulda og skafrenning......fínasti göngutúr sem sagt. Annars styttist í að ég gefist upp á vatnsleikfiminni sökum veðurfars - við vorum bara í 20 mín í gærkvöldi í stað 40 því það var varla stætt á bakkanum og allt liðið fokið í djúpu laugina. Í morgun voru nú kláraðar 40 mín en mér er enn illt í andlitinu eftir haglélið og kuldann, ég var næstum hætt að geta talað mér var svo kalt í andlitinu!! Gamla liðið hafði það fínt í lauginni!
posted by Sibba at 10:39 e.h.
|
~|=|~
mánudagur, desember 27, 2004
Jólin........
Við Bjartur erum búin að hafa það ofsalega gott um jólin, borða mikið, sofa mikið, horfa á sjónvarpið, lesa og slappa af......allt það sem maður á að gera á jólunum!
Við ætlum að vera í bænum á áramótunum líka því það er svo stutt frí að það er of lítill tími til að fara austur, þannig að þetta verða önnur áramótin okkar saman í bænum. Það er kominn flutningshugur í okkur og ætli ég eyði ekki mestu af því sem eftir er af fríinu mínu í að setja í kassa og undirbúa flutning. Við ætlum svo að kíkja á flísar í nýju forstofuna á eftir gaman gaman.
Annars er eitt að angra mig......það er alltaf sama númerið að hringja í heimasímann og þegar ég svara þá koma bara bíp! Það er búið að hringja 5x á meðan ég skrifa þetta og ég skrifa hratt!!!! Annað hvort er verið að morsa skilaboð til mín eða geimverurnar að senda skilaboð.......ég er ekki að fíla þetta!
posted by Sibba at 2:30 e.h.
|
~|=|~
þriðjudagur, desember 21, 2004
Ég var farin á fætur og út rétt um 7 í morgun til að kenna vatnsleikfimina fyrir Monette nágranna. Hvað var ég að spá þegar ég tók þetta að mér! Þetta var fínt í sumar en er ekki alveg að gera sig á þessum árstíma. En það var bara gott að leggja sig í sófann með Jóla og hlusta á endursýninguna á morgunsjónvarpinu á stöð 2.
Ég ætla nú að reyna að vera dugleg í dag, þarf að fara í bónus og versla smá í smákökurnar. Er að hugsa um að henda í 1-2 sortir í dag en er ekki búin að ákveða hverjar. Við Bjartur ætlum svo að kíkja eitthvað í búðir seinnipartinn og klára að versla fyrir sveitafólkið því það er ferð austur á morgun - síðasti séns.
posted by Sibba at 11:06 f.h.
|
~|=|~
mánudagur, desember 20, 2004
Innflutningsgjöf!!!!
Já þrátt fyrir að í dag séu rétt rúmar 4 vikur í að við fáum nýja húsið afhent (!!!! OMG !!!!) þá erum við búin að fá innflutningsgjöf - eða ég - þar sem hún er stíluð á mig!
Ásamt jólakortunum þá slæddist dularfult umslag sem er stílað að á mig og á því stendur "Eitthvað fyrir alla". Þar sem ég er frekar forvitin manneskja þá náttúrlega reif ég umslagið upp og í ljós kom ansi sniðugt. Gjöfin er sem sagt frá nágrönnum mínum í BYKO og hljóðar uppá loftljós, lyklasmíði auk afslátta af ýmsum vörum sem tilheyra flutningum. Ánægðust er ég samt með viðskiptakortið sem ég fékk líka - á mínu nafni!! Þau í byko hafa greinilega tekið eftir mér þarna því það eru sko ófáar ferðirnar í byko á þessu heimili, ég er sem sagt iðnaðarmaðurinn á þessu heimili! Nágrannarnir hafa tekið eftir því þegar ég eyddi einu síðdegi á svölunum rykug uppfyrir haus með slípirokk til að ná málningunni af svalagólfinu fyrir flotun, sagan hefur farið sem eldur í sinu um Kópavog og endað í byko sem hefur ákveðið að stykja kelluna loksins þegar hún er að flytja úr bæjarfélaginu. Lifi BYKO, ég mun ekki svíkja lit þó ég sé verðandi Garðbæingur og mun halda áfram að fara reglulegar ferðir í Byggingavöruverslun Kópavogs.
posted by Sibba at 4:15 e.h.
|
~|=|~
Jólastúss og matarboð
Við erum bara búin að vera nokkuð dugleg í jólastússi síðustu dagana. Á laugardaginn var Bjartur að hjálpa Einari bróðir að klára að breyta jeppanum sínum og ég dundaði mér í föndrinu á meðan. Skellti í eina ansi flotta hyasintuskreytingu og af því það var svo mikið eftir af greni þá smellti ég í einn hurðakrans líka. Fann einhvern basthring hjá mömmu sem var passlega lítill og þetta kom bara alveg hreint ágætlega út svona miðað við fyrstu tilraun í svona greniföndri.
Við fórum svo til mömmu og pabba í gær og skárum út laufabrauð, það koma ekki jól nema það sé búið til laufabrauð. Um kvöldið fórum við svo í mat til Laufeyju og Gulla ásamt Kötu og Begga. Þau elduðu purusteik ásamt öllu tilheyrandi og þetta var alveg rosalega gott hjá þeim, mjög flott upphitun fyrir át næstu helgar............já það eru bara 4 dagar til jóla!!!
posted by Sibba at 8:53 f.h.
|
~|=|~
laugardagur, desember 18, 2004
.......snjókorn falla......á allt og alla........og jólakskapið kikkaði rækilega inn...
Ég hundskaðist á lappir uppúr 7:30 í morgun til að keyra Bjart og Einar bróðir í B&L og þegar ég var að vera komin heim aftur þá var komin þessi líka flotta snjókoma. Alveg svona ekta jólasnjókoma. Ég dreif mig heim og náði í jóladisk og út aftur til að njóta nú aðeins snjókomunnar og að vera ein á ferð (hverjum dettur í hug að fara á rúntinn fyrir 8 á laugardagsmorgni!). Myndavélin mín er ekki nógu góð til að geta tekið flotta mynd af snjókomu í myrkri en Kópavogskirkja var ansi falleg svona í morgunsárið. Annars fer dagurinn í dag í að klára af jólakortin og koma þeim í póst, svo langar mig svoldið til að búa til eitt stykki hyasintu skreitingu
Njótið dagsins gott fólk
posted by Sibba at 9:02 f.h.
|
~|=|~
föstudagur, desember 17, 2004
Jólafrí, jólafrí, jólafrí, jólafrí.........
Já loksins, loksins jólafrí. Mikið rosalega var gott að sofa út í morgun, það er eitthvað svo miklu betra að sofa út á virkum dögum heldur en um helgar veit ekki hvað það er!
Við fórum í heimsókn í gærkvöldi í nýja húsið okkar. Ekkert smá skrítið að heimsækja framtíðar heimilið sitt. Við þurftum að mæla út borðstofuna fyrir borðið sem við erum búin að finna og svo þurfti Bjarturinn að heimsækja framtíðar heimilið sitt í skúrnum og mæla út innganginn í hann og svoleiðis. Ég fékk alveg þrefalda tilhlökkun í magann í gær - fara í garðabæinn, vera komin í jólafrí og svo alveg að koma jól - gaman gaman.
posted by Sibba at 1:23 e.h.
|
~|=|~
miðvikudagur, desember 15, 2004
Það er eitthvað með mig og dagarugl þessa dagana. Í gær var ég alveg viss um að það væri miðvikudagur - við Linda vorum að föndra jólakort í gær og þegar ég kom til hennar þá fór ég beint að sjónvarpinu til að stilla á Bráðavaktina (sem er á miðvikudögum) og fór að hugsa um að við gætum ekki föndrað lengið því ég ætlaði til Ellu að horfa á Bachelor (sem er á miðvikudögum). Þegar ég mætti í vinnuna í morgun þá kíkti ég á matseðilinn og það voru kjötbollur í matinn (alveg þar til Halldóra sagði að þær væru á morgun fimmtudag), ég hafði það af að muna að ég ætlaði til Ellu í kvöld að horfa á Bachelor nema hvað - ég sendi Halldóru sms kl 21:30 til að sníkja hjá henni far til Ellu en nei nei, Bachelor byrjaði kl 21:00 en ég var alveg með það í hausnum að hann byrjaði kl 22:00!
Þannig að ég er eitthvað rugluð þessa dagana - held að ég sé að smitast af Alzheimers, ef maður getur smitast einhversstaðar þá er það á Landakoti. Þarf að fá mér digital island afruglara til að afruglast!
Hvaða ár er?
posted by Sibba at 10:53 e.h.
|
~|=|~
Já nú styttist heldur betur í jólafríð - bara 8 klukkutímar eftir í vinnu og aðeins minna en sólarhringur þar til klukkan verður 16:00 16. des 2004 og þá er þessu verknámi formlega lokið. ..........og þá verður kátt í höllinni, höllinni, höllinni...........
Við Halldóra ætlum að reyna að klára umsóknina til Vísindasiðanefndar vegna BS verkefnisins á morgun og gera hana klára til að skila. Við erum búnar að fá samþykki frá MK og MH um að vera með í rannsókninni. Við erum sérstaklega ánægðar með að MH ætli að vera með því það hefur verið stefna skólans að leyfa engar rannsóknir á nemum skólans nema að um mastersverkefni eða doktorsverkefni sé að ræða, en yfirvöld skólans eru svo spennt fyrir rannsókninni að þau ætla að gera undantekningu fyrir BS verkefnið okkar - gaman að því- Við erum búnar að eyða miklum tíma í spurningalistann sem við ætlum að leggja fyrir, hann er 31 spurning á 4 bls og hvern hefði nú grunað að önnur eins vinna og pælingar færu í þetta! Það verður ágætt að fá algjört frí frá rannsóknarpælingum um jólin því þetta verður tekið með trukki í jan og verður fast í huganum þar til maður skilar þessu inn og kynnir niðurstöðurnar í maí - og verður örugglega lengur í okkar huga því skólarnir vilja fá kynningu á niðurstöðunum svo þetta verður voða gaman. Eins gott að niðurstöðurnar verði spennandi segi ég nú bara!
posted by Sibba at 4:04 e.h.
|
~|=|~
mánudagur, desember 06, 2004
18 dagar til jóla!
Jólaundirbúiningurinn gengur bara vel á þessu heimili. Við erum hér um bil búin að kaupa allar jólagjafirnar, erum mjög ánægð með hvað við vorum tímanlega í þeim þetta árið því við klárum þær af um miðjan nóvember, eigum bara smotterí eftir. Svo tókum við okkur til og bökuðum prufu af þrem sortum af smákökum í gær, þær tókust svo ansi vel að við ætlum að bara meira síðar. Jólagluggatjöldin, jóladúkarnir, seríurnar og nokkrir ómissandi jólabangsar hafa svo litið dagsljósið. Jólakortin eru alveg að verða tilbúin, á "bara" eftir að föndra ca 15 stykki og við ætlum að skrifa á þau fljótlega. Við erum því farin að sjá fram á yndislega rólega daga svona rétt fyrir jólin, sjálf stefni ég á bókalestur og jólaöl svona síðustu dagana fyrir jól - að ógleymdri laufabrauðsgerð þann 19. des í ró og næði hjá gamla settinu.
Bara 8 dagar eftir í verknámi - klinik 14. des og mig vantar enn kliniksjúkling - hlakka ótrúlega mikið til þegar 16. des rennur upp bjartur og fagur og við Halldóra kveðjum Kotið!
posted by Sibba at 1:00 e.h.
|
~|=|~
föstudagur, desember 03, 2004
Götunöfn!
Þegar maður er búinn að kíkja daglega á fasteignaauglýsingar á netinu í ansi hreint marga mánuði þá þarf maður að trappa sig rólega niður. Ég kíki því af og til á fasteignaauglýsingarnar í mogganum svona rétt til að tékka á stöðunni.
Nýjum hverfum fylgja ný götunöfn og oft á tíðum mjög svo skondin götunöfn. Grafarholtið á nú nokkur skemmtileg nöfn eins og Vínlandsleið, Þúsöld, Þjóðhildarstígur og Grænlandsleið. Að ógleymdum Kristnibraut, Kirkjustétt og Prestastígur, íbúðir við þessar götur eru alveg örugglega eftirsóttar af prestum borgarinnar og spái ég því að innan einhverra ára muni prestur ekki vera prestur með prestum nema hann búi við áðurnefndar götur. Ef við færum okkur svo eitlítið austar í borgina þá lítur út fyrir að sjómenn eða amk miklir veiðiáhugamenn hafi nefnt nokkrar götur í Árbænum. Gatan sem liggur í hring í hverfinu byrjar sem Straumur og breytist svo í Streng, netamenn fengu Nethyl en þeir sem hallast að stangveiði fengu Stangarhyl. Svo bara hvaða fiskur er bestur - Silungakvísl, Sílakvísl, Seiðakvísl eða Laxakvísl. Mér hefur alltaf fundist Vatnsendinn ansi heillandi hverfi en það er spurning hvort allt hverfi ekki sem kemur í hverfið! Öndin hvarf í Andarhvarfi, hestarnir stungu af í Fákahvarfi og álfkonan fékk nóg af lífinu í Álfkonuhvarfi.
En að máli málanna - fasteignaauglýsingarnar - ég kíkti inn á moggann af gömlum vana áðan og rakst á það götunafn sem toppar öll hin "Langalína". Gatan með þessu gullfallega nafni mun vera í nýja bryggjuhverfinu í Garðabæ og ef einhver er að leita þá er bara að kíkja á gripinn. Ég er farin að bíða með eftirvæntingu eftir að sjá fleiri auglýsingar úr þessu hverfi.
posted by Sibba at 7:29 e.h.
|
~|=|~
|
