 |
|
.........leiðist.......
...........og langar út.......................... Nýju garðhúsgögnin okkar voru officially vígð í gær. Þrír vinir Bjarts komu og eyddu kvöldinu í garðinum með kassa af bjór. Þeim var nú orðið ansi kalt greyjunum og búnir að kveikja á gasgrillinu til að halda á sér hita, þá fengu þeir að koma inn og klára ölið sitt í sófanum. Þetta var bara ansi notarlegt hjá þeim, skil ekkert í þeim að vilja ekki baða sig í gosbrunninum - fuglar og kettir gera það dags daglega! posted by Sibba at 2:06 e.h. |
...dugnaður.is.......og það á þynkudegi.....
...sem reyndar var enginn þynnkudagur þrátt fyrir ansi hressilegt jamm, bara svoldið þreyttur dagur. Eftir "þynkufæði" með henni Lindu minni dreif ég mig í Garðheima og verslaði stóra og litla hrífu. Eyddi svo 2 klst í að hreinsa beðin fyrir aftan húsið og 3 klst í að þrífa gosbrunninn sem er fyrir framan húsið. Þvílík og önnur eins kleppsvinna að þrífa hann, þarf sko að tína upp fullt fullt af steinum þegar búið er að tæma fyrir það fyrsta, þrífa svo alla steinana sem voru tíndir upp og líka þá sem eftir voru......og við erum að tala um að það þarf að skrúbba þetta almennilega til að ná þörungunum og slíminu af því þetta hefur ekki verið þrifið síðustu árin frekar en annað hjá fyrrum eigendum.......meeeeen ekki svo gaman en hann lítur ansi hreint vel út á eftir. Þetta verður mun minna mál með hinn brunninn því hann er bara bali (svona barbísundlaug) og þá þarf ekki að hlaða allan brunninn uppá nýtt eftir þvott!! Og hvar var eiginlega Bjarturinn (hugsa þeir sem vita hvað ég á duglegan mann!) - á Drangajökli í góðu veðri að slæpast í jeppaferð. Hrós dagsins: American style fyrir að hafa lokað svo við Linda uppgötvuðum að Guliacan er mun betri þynnkumatur en hammari Hetjan: Ég sjálf - ekki spurning! Kátínan: Hvern hefði grunað að það væri bara þvílíkur fílingur að fara á djamm með Á móti sól og það væri þónokkur stemning að tjútta við "Traustur vinur" og "Stolt siglir fleyið mitt" posted by Sibba at 12:03 e.h. |
...sumar, sumar, sumar og sól........
Klinik er loksins búin og gekk bara alveg ágætlega. Ansi hreint gott að þetta er búið svo sé nú hægt að fara að vinna í BS verkefninu sem ég man varla um hvað er lengur!! Við Krillan kíktum svo í bústað með sjúkraþjálfurunum á Grensás í gærkvöldi og komum aftur í nótt. Ansi hreint skemmtilegt lið og bara hresst. Ég tók þátt í rauðvínssmökkunarkeppni og svei mér þá ef mig langar ekki svo mikið í rauðvín í dag (",) Annars eru bara rólegheit í dag, ætla nú samt að glugga eitlítið í BSið svo ég viti hvað við erum að gera. Svo er skrúðgangan að leggja af stað frá Vídalínskirkju eftir 5 mín og hún fer niður götuna bakvið bílskúrinn okkar - ætla að kíkja á hana. posted by Sibba at 1:43 e.h. |
Bobbinn II: Búið að flýta klinik þar til á þriðjudaginn 19. apríl!
Vonbrigðin: Ógeðslegi fiskrétturinn sem ég keypti í Fjarðakaup Krísan: Vantar svo agalega 128 Hz tónkvísl Gleðin: Ansi stutt þar til klinik verður búin (",) En að öllu ofantöldu þá er ég ansi fegin að vera flutt úr Kópavoginum. Það virðist allt vera að fara fja.... til eftir að maður skipti um bæjarfélag! posted by Sibba at 9:40 e.h. |
Ég var að horfa á Sjálfstætt fólk um Suðmenn í Royal Albert Hall. Mig langaði rosalega mikið til að fara því Stuðmenn eru bara skemmtilegir en svo einhvernvegin létum við ekki verða af því að fara. Kannski af því við sáum þá í Fjölskyldu-og húsdýragarðinum um síðustu Verslunarmannahelgi. En allavega - ég er ekki að ná því að ég hafi misst af Hund í óskilum!! Einfaldlega langflottastir - verst að ég finn ekki diskinn með þeim eftir að við fluttum, hlýtur að koma í leitirnar.
Bobbinn: Búið að fresta klinik þar til 20.apríl vegna sjúklingakrísu og í tilefni þess fæ ég sennilega alveg hrikalega erfitt tilfelli - help me! posted by Sibba at 8:37 e.h. |
Sjokk dagsins - lokaklinikin er á föstudaginn í næstu viku, verður ansi hreint gott þegar það verður búið en held að ég eigi eftir að vera á dollunni alla næstu viku af stressi (",)
Krútt dagsins - Snati sem er alveg ótrúlegt krútt - gæti trúað að hann hafi farið í gönguþjálfun hjá sjúkraþjálfara Gleði dagsins - kvöldmaturinn mun verða gleði dagsins: reykt ýsa, glænýja Hornafjarðar kartöflur og nýr þrumari - smjatt smjatt. posted by Sibba at 5:43 e.h. |
........það er sunnudagsmorgunn.......
og alveg geggjað veður úti en hvað er að gerast með þennan snjó! Er ekki alveg að fíla það, það er jólalegra úti núna en vanalega á jólunum. Við höfðum það ansi gott um páskana, ég var bara að dunda mér í garðinum, þrífa gluggana, þakið og rennurnar ásamt því að horfa á BS verkefnið af og til. Bjarturinn var svo í skúrnum að smíða sér vinnuborð með Einari bróður á milli þess sem hann var að gera við. Á páskadag kíktum við svo austur fyrir fjall í bústaðinn sem nágrannar okkar úr Efstahjallanum eiga, við komum við í Snælandi á Selfossi og mættum með 1 l. af ís og heita sósu í og það vakti nú ekki litla lukku viðstaddra enda ísfólk mikið. Þau eru að byggja sér ansi hreint stórt bjálkahús við hliðina á bústaðnum og mun ég eiga eitt herbergi þar á neðri hæðinni (",) Lýst ansi vel á! Svo snýst lífið bara um elskulega BSið, skýrslur og verknám - tveir þættir af 24 í kvöld vúhúúúú posted by Sibba at 9:11 f.h. |
|