 |
|
.....BS prófið komið í vasann.....
Útskriftin var bara alveg ágæt, reyndar svoldið langt að bíða eftir að allir væru komnir með prófskírteinin sín í hendurnar en það hafðist. Við vorum svo búin að leggja í fínasta veisluborð fyrir gestina okkar sem samfögnuðu stelpunni og það var bara ansi gaman. Við voru svo ansi þreytt eftir daginn að við kíktum í bíó um kvöldið í stað þess að fara á djammið. Við sáum Mr. and Mrs. Smith og mér fannst hún nú bara ekkert svo spes, en ég var nú líka svo þreytt að ég dottaði tvisvar og hugsaði meira um rúmið mitt en myndina!! Svo er það bara vinnan eða réttara sagt að hanga því það er ekki alveg nógu mikið að gera fyrir minn smekk.....en það lagast nú vonandi sem allra fyrst því annars verð ég með króniska leti eftir sumarið og það er ekki svo gott. posted by Sibba at 8:54 e.h. |
15 mínútna frægð.....
.....jæja við lifðum beinu útsendinguna af!! Þetta var rosalega gaman og ég nánast rifna af stolti að heyra mína eigin rödd á netinu tala um BS verkefnið okkar - geðveikt. Ef einhver var svo óheppinn að missa af þessum merka viðburði þá er hægt að fara á www.ruv.is, velja rás 1 og svo hlusta á Samfélagið í nærmynd 14.júní. Stolt dagsins: Ég og Dóran posted by Sibba at 3:52 e.h. |
Góðir hlustendur nær og fjær............
..........já það er sko ekki á hverjum degi sem maður er í beinni í útvarpinu og það á Gufunni takk fyrir góðan dag!! Enívei - þá verðum við Halldóra í beinni í þættinum Samfélagið í nærmynd á morgun að rabba um BS verkefnið okkar. Ef einhver verður svo óheppinn að missa af þessari 15 mínútna frægð okkar þá er bara að hlusta á netinu!! Við eigum vonandi eftir að standa okkur vel, ef ekki þá komum við í áramótaskaupinu!! Gaman aðessu (",) posted by Sibba at 11:17 e.h. |
Orðin vinnandi kona!!
Fyrsti vinnudagurinn með nýja titilinn er liðinn - ber hann ber hann nokkuð vel held ég. Svo venst líka vel að vera kynntur sem sjúkraþjálfari - ekkert nema hvað!! posted by Sibba at 4:19 e.h. |
Bubbi langflottastur!!
 Við fórum á útgáfutónleikana hans Bubba í gær og mikið rosalega var gaman. Hann var fyrst bara einn með gítarinn og tók ný lög í bland við gömlu góðu. Svo bættist hljómsveitin við og þá hófst rokkið en áfram ný lög og gömul í bland. Ég var farin að örvænta að hann ætlaði ekki að taka Svartur afgan og Fjöllin hafa vakað en svo voru þau lög tekin í röð sem aukalög. Djö... hvað það var hriiiiikalega flott - ljósin ótrúlega flott og geggjuð stemmning. Það er fátt sem toppar Bubba í góðum gír að taka Fjöllin hafa vakað - úff - gæsahúð og tár!!! posted by Sibba at 1:24 e.h. |
loksins línuskautar...
..fór áðan í jómfrúarferð á nýju línuskautunum mínum, held að ég hafi ekki farið á línuskauta síðan í september í fyrra og var bara næstum búin að gleyma hvað þetta er gaman - já og pínu erfitt þegar maður er ekki kominn í formið!! Það er svo kominn tími til að skila Laufeyju frænku sínum skautum sem ég hef sennilega notað miklu meira en hún (",). Annars er bara stuð og stemning í sumarfríi, langar svoldið mikið út úr bænum um helgina og er að spá í að bjalla í Gústa og láta hann bjóða mér í bústaðinn og á hestbak - held að hann hafi ekkert betra að gera blessaður!! Í kvöld er stefnan svo tekin á bíó og svo kom ég Bjartinum á óvart í dag og keypti miða á tónleikana með Bubba í næstu viku, get ekki sagt annað en að hann var frekar mikið ánægður og ég hlakka mikið til. posted by Sibba at 7:54 e.h. |
Komin aftur........
Londonferðin var bara æðisleg og mig langar svo agalega aftur að ég er barasta að springa!!! Við skoðuðum alveg helling, fórum á markaði og í búðir og versluðum slatta og nutum lífsins í góða veðrinu í görðunum. Veðrið var alveg frábært allan tímann, sól og gott alla dagana og rigndi í ca 2 klst fyrir hádegi einn daginn. Hótelið var bara fínt, rúmið reyndar svoldið hart en maður var svo þreyttur á kvöldin að það skipti engu máli, maður svaf eins og rotaður eftir allt labbið. En mig langar alveg agalega aftur - mér finnst London svo æðisleg borg og sérstaklega af því við vorum svona lengi að maður náði að kynnast henni svo vel og var farinn að rata vel og þekkja vel undergroundið og bussana. Þannig að nú er ég komin með útlandaveikina og langar alveg agalega aftur!! Ég setti inn nokkrar myndir og hér eru nokkrar og hér aðeins fleiri posted by Sibba at 7:16 e.h. |
|